Lucas 2:39 - Yura porciones de la biblia

³⁹ Joséwe María na Diaiwu Diospa yurawu kekẽxu Moisés kedebadi keskakata Galilea bai adu dasuta atũ pexe adu wudiwu. Atũ pexe pexe ichapa Nazaret adu ipaudi.

Lucas 2:39 ပူးပေါင်းရင်းမြစ်များ

Lucas 1:26

Seis uxe ma Isabelki ikadu pexe ichapa awẽ ade Nazaret nadu Diospa na dai arixu Diospa tsai webis Gabriel nichidi. Bai ewapa Galilea adu nadu pexe ichapa awẽ ade Nazaret. Nadu Diospa na dai arixu Diospa tsai webis nichidi.

Lucas 1:6

Diospa atu uĩya na raweta na Diospa duiyai axikakĩ shinawaĩ apaudiwu. Naatiiwi na Diaiwu Diospa yurawu kekẽxu Moisés kedebadi naawu dikasharapaudiwu. Naskake tsuã atu ñuatiru ipaudiba.

Lucas 2:4

Galilea bai adu pexe ichapa Nazaret. Nazaret aduax José kadi na pexe ichapa diaiwu datukui David ipaudi adu. Naa pexe ichapa awẽ ade Belén. Belén Judea bai adu. Josépa awẽ xidi David idi. Naskake José Maríawe Belén adu wudiwu atũ adeki kedenuwu. Wuyukaxuba Joséweta Maríane shinadiwu wianayaxakakĩ. Maríane wake dadea idi.

Lucas 2:51

Naskadu atuwe Nazaret adu dasudi. Atu dikapaudi. Na Jesús ikawu nawu awa pishta awa Maríane shinabakipaudiba.

Lucas 4:16

Pexe ichapa Nazaret adu Jesús kadi naa pexkudi adu. Sábadowaidu sinagoga pexe ikikaĩdi na ipaudi keskai. Chipu na Diospa tsai kedea adu adexikĩ diinakawãdi.

Lucas 4:23

Jesúspa atu yuidi: “Na ma yuitiru keskara ea ma yuikaiki: ‘Doctor, biwi kayawanabewe’, ea ma waikai. Naskatariwi ma ea yuikai: ‘Na mi pexe ichapa Cafarnaúm aduxu akita keskara ma nu dikaita. Na mi arixu akita keskawakĩ duduax na mi pexkudi aduxuriwi awe’, ea ma waikai.