Lucas 10:42 - Yura porciones de la biblia

⁴² Maríane ea dikai keskawakĩ ea dikayuwe. Na wisti mi ayutiru. Maríane na sharakui shina ea dikaxikĩ. Tsuã María ‘Jesús dikayabawe’, watiruba”, wadi Jesúspa.

Lucas 10:42 ပူးပေါင်းရင်းမြစ်များ

Lucas 10:39

Marta awẽ chikuya ipaudi. Awẽ chikũ awẽ ade María ipaudi. María Jesúspa awẽ tae rawe chaiba tsaupakekawãdi. Jesúspa yuiyaitu dikai idi.

Lucas 11:1

Peda wetsa Jesúspa Dios kiwĩdi wetsa aduxu. Kiwĩkĩ adaitiadu na auxũ tapipaudiwu wetsã yuidi: “Diaiwũ, kiwĩkĩ duku tapibawe. Juanpa na auxũ tapibiswu atu kiwĩkĩ tapibayabeaki”, wadi.

Lucas 12:20

Naskawiyaitu Diospa yuidi: ‘¡Mi tatiba! Da yabeta mi dai. Ma mi daitadu na mi bekebiswu wetsã wiwaidakaki’, Diospa wadi.

Lucas 12:33

Batunawu pei sapauxũ inabetsakawe awayabawu matu pei sapa atu inaxikĩ. Ma naskaxu na aki pei sapa watiwu chaputiruwuba ma wii keskarawu ma iixiwi. Dai ari na keyutiruba sharakuiwu Epa Diospa batuwu waxutiru. Dai ari yubetsuwu ikitiruwuba. Dai arixu awatu awara sharawu masawatiruba.

Lucas 16:2

Naskaiwawe dikakĩ kedaxu yuidi: ‘Ẽ dika mia unewawaĩdi. Na mi inabetsakakaĩdawu nikisi ea kedepakexuwe. Naskatariwi na mi pei sapauxũ wiwawaĩdawu nikisi ea kedepakexuwe. Ana mia yuduxuibaki’, wadi.

Lucas 16:25

Abrahampa kebadi: ‘Epa, shinawe mi dayuaxba mi awara sharawuya mi ipaudi Lázaro ubiskuiyaidu. Aka datiã duduax Lázaro idibai. Naskaidu mi ubiskui.

Lucas 18:22

Naduri yuiyaitu dikakĩ Jesúspa kebadi: “Wisti mi ayuaba. Naatiiwi na mewenawu inabetsaxu pei sapawu wixu na awayabawu atu paxkawe. Mi naskaitu uĩkĩ Diospa dai aduxu bia awara sharakuiwu bia bekexuxiwi. Na awayabawu atu paxkata iadu uwe ewe kaaxikĩ euxũ tapibis iixikĩ”, Jesúspa wadi.

Lucas 8:18

Naskake ẽ batu tapibaitu ea dikasharakawe. Na ẽ tapibadai dikatapitiawu nawu atu Diospa wetsariwi tapibawaidaka. Na ẽ tapibadai dikatapitiawuba awi shinawu: ‘Ẽ dikatapitia’, ikawu. Atu na dikatapitiawubaruku Diospa atu shinabakibawaidaka”, Jesúspa atu wadi.

Juan 11:1

Naskata dukuwede awẽ ade Lázaro Betania ika isiniki idi. Pui raweya awẽ ade María wetsa Marta naa raweri pexe ichapa Betania adua idiwu.

Juan 11:19

Naskata judíowawe Martaya María atu shinabai wukadi wuitawu idi atũ uchi Lázaro daadu.

Juan 12:3

Maríane trescientos gramos perfume wedi. Naa perfume awẽ ade nardona pei ichapa idi. Naa perfume Jesúspa awẽ taeki nachita awẽ wuũ tere adi. Naskaidu pexe mera perfume awẽ ini tuwedi.

Juan 17:3

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

Juan 4:14

Na ede ẽ batu inai ayax ana ma dubidakaba. Naa ede bai meradua tsekeyai keskara ayax ma dadakaba”, Jesúspa wadi.

Juan 5:24

Ẽ batu yuikuinu. Na ewẽ tsai dikayai na ea nichidi ikũira waawu Epa Dioswe ipadaka. Na ubiskuiyaiwu mera naa yurawu wudakawuba. Askataba naa yura chakabixakĩ ana awa chaka shinatiruba. Awẽ shina kayakawikui shinatiru.

Juan 6:27

Jesúspa awiana atu yuidi: “Piti keyutiruuxũ yuduyabakawe. Askataba na piti ipadakauxũ yudukawe. Naa piti ipadaka ẽ batu inanupukui. Ẽ Dukuwene Wake. Diospa awẽ bitsisipa ea inadi”.