Lucas 1:7 - Yura porciones de la biblia

⁷ Naa rawe wakeuba ipaudiwu. Isabelpa wake dadetiruba ipaudi. Zacarías adiwu ikaidu awĩ ñushawu ipaudi.

Lucas 1:7 ပူးပေါင်းရင်းမြစ်များ

Génesis 17:17

Abraham baikiri wepepakekawã shinayana: “Adiwu cien wariya wakeyatiruba. Ewẽ awĩ Sarariwi ma noventa wari aka”, ikax witsadi.

Génesis 18:11

Abraham adiwu idi: Sara ma ñushawua. Sara ana ibitiru idiba.

Génesis 25:21

Rebecapa wake atiruba idi. Naskake Isaacpa Epa Dios kiwĩdi wake apaikĩ. Kiwĩyaitu dikaxu Isaac Diospa axudi. Rebecapa wake dadedi.

Génesis 30:1

Raquelpa Jacobweta wake atirubaxakĩ awẽ chipi Líaki sidadi. Raquelpa Jacob yuidi: “Ẽ beweta wake ayabax ẽ dai”, wadi.

Lucas 1:5

Judea bai aduax Herodes diaiwu datukuiyadu Zacarías sacerdote ipaudi. Awẽ xidiwuriwi sacerdotewu ipaudiwu. Naawu “Abías awẽ yurawu”, wapaudiwu. Zacaríaspa awẽ awĩ Isabel Aarónpa awẽ rewudu idi.

Lucas 1:6

Diospa atu uĩya na raweta na Diospa duiyai axikakĩ shinawaĩ apaudiwu. Naatiiwi na Diaiwu Diospa yurawu kekẽxu Moisés kedebadi naawu dikasharapaudiwu. Naskake tsuã atu ñuatiru ipaudiba.

Lucas 1:8

Peda wetsa Zacaríaswe na awe sacerdote ipaudiwu oración pexe adu yudui wudiwu. Nawawe apaudiwu keskawakĩ Zacaríaspa Dios yuduxuwaidu