6 Diospa atu uĩya na raweta na Diospa duiyai axikakĩ shinawaĩ apaudiwu. Naatiiwi na Diaiwu Diospa yurawu kekẽxu Moisés kedebadi naawu dikasharapaudiwu. Naskake tsuã atu ñuatiru ipaudiba.
Abrampa awẽ wari ma noventa y nueve ikadu Dios aki dukuta yuidi: “Ẽ Dios bitsisipa. Ea ikũira wapaxawe chakataba.
Noé dukuwede sharakui ipaudi. Epa Dios dikakuipaudi. Yurawu nadu askayaidu tsua shara ipaudiba. Epa Dios dikakaspapaudiwu. Tsua Noé keskara ipaudiba.
Epa Diospa Noé yuidi: “Naatiiwi yurawu adua berewisti mi dukuwede shara ibis. Xaxuwã mera ikiwe mewẽ kaiwuuwe.
Naa rawe wakeuba ipaudiwu. Isabelpa wake dadetiruba ipaudi. Zacarías adiwu ikaidu awĩ ñushawu ipaudi.
Jesúspa atu yuidi: “Yurawawe shinabiswu maawawe na Diospa duiyai shinawaĩ atiru keskarawu. Naskaweke Diospa na maawawe shinayaiya na ma apaiyai tapia. Na yurawawe duikuiyaiwu Diospa duikaspatiru”, Jesúspa atu wadi.
Jerusalén adu dukuwede awẽ ade Simeón idi. Na Diospa duiyai aaxikĩ Simeónpa shinawaĩ apaudi. Naatu “Dios bitsisipa”, raixu Dios dikapaudi. Israelpa awẽ rewuduwu atu axuxiwai ubiskuiyabanuwu naa Simeónpa badapaudi. Espíritu Santo nawe dia idi.