Juan 8:28 - Yura porciones de la biblia

²⁸ Naskake Jesúspa atu yuidi: “Maawawe cruzki bastaxu widibakata Dukuwene awẽ Wake ma tapixiwi tsuamaiki. Ewẽ Epa awẽ bitsisipaya ẽ. Ewẽ shinama awa ẽ atiruba. Ewẽ Epa ea yuiya ẽ atiru.

Juan 8:28 ပူးပေါင်းရင်းမြစ်များ

Lucas 21:8

Jesúspa atu yuidi: “Uĩta ikawe batu parayabanuwu. Yura ichapatu batu yuixikadi: ‘Ẽ na Diospa kañawadi naatiiwuna atũ Diaiwu inu. Na Diospa yuidi keskara sababashta iki’, waaxikadi. Atuwe wuyabakawe. Atu ikũira wayabakawe.

Juan 11:42

Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.

Juan 13:19

“Ea naskawayuawubadu datiã ẽ batu yui awara aweskaraidu maawawe ea ikũira wanu tsua udiyabadu ma ẽ udia idi”, Jesúspa atu wadi.

Juan 16:10

Ẽ awa chakawaaba. Ewẽ Epa adu ẽ kai. Maawawe ea ana uĩwaidakaba.

Juan 18:32

Na Jesúspa rewu yuidi naskakuidi bastaxikadi danu.

Juan 19:18

Naduxu cruzki Jesús bastadiwu dukuwede raweya. Wetsa awẽ bibiyauri bastakata awẽ bibibauri wetsa bastadiwu.

Juan 3:11

“Ẽ bia yuikuinu. Na ẽ yuiyai na nu tapia. Na nu uĩyawu naawu nu batu yui: Naskaweke ma ikũira waiba na nu yuiyai.

Juan 3:14

Moiséspa rudu broncena widiniwuwãdi tsua ikabarixu. Dukuwene awẽ Wakeri naskaxiwi widinakawaxiwi.

Juan 4:26

Jesúspa yuidi: “Naa ẽ. Na bewe tsaiki”, wadi.

Juan 5:19

Naskaxu Jesúspa atu yuidi: “Ẽ batu yuikuinu. Ẽ Dios awẽ Wake ewẽ shinama ẽa awa atiruba. Ewẽ Epa Diospa akaitu uĩxu ẽri atiru. Na Epa Diospa awara akai awẽ Wakẽri naa atiru.

Juan 5:30

Jesúspa atu yuidi: “Ewẽ shinama ẽ awa atiruba. Yura sharawumaikixu uĩta chakawumaiki. Na ewẽ Epã ea yudua ẽ atiru. Ẽ atu chakamaikixu uĩta sharamaikixu uĩyai na Ewẽ shinama ẽ awa atiruba. Na ea nichiditu ea yudua ẽ atiru.

Juan 6:38

Ewẽ shinama na ẽ apaiyai aaxikĩ dai ariax ẽ udiba. Ewẽ Epã ea nichidi. Naskake ewẽ Epa awẽ shinama aaxikĩ ẽ bai adu udi.

Juan 8:24

Naskake ẽ batu yuiya matu chakawawe ma danupukui ea ma ikũira wayabax. Matu chakawawe ma danupukui”, Jesúspa atu wadi.

Juan 8:27

Apa Dios udua yuiwiyaitu tsuã tapidiba.

Juan 8:58

Naskaiwawe Jesúspa atu kebadi: “Ẽ batu yuikuinu. Abraham udiyabadu ma ẽ udia idi”, Jesúspa wadi.