Juan 7:41 - Yura porciones de la biblia

⁴¹ Atiriwawe yuidiwu: “Da dukuwede Epa Diospa Mesías nichidi”, wadiwu. Wetsawawe yuidiwu: “Da dukuwede Epa Diospa nichidiba. Epa Diospa nichia Galilea adua kaĩtiruba.

Juan 7:41 ပူးပေါင်းရင်းမြစ်များ

Juan 1:41

Andréspa udiwetsa wichikĩ taewadi Simón. Ma wichixu yuidi: “Ma nu Mesías wichia”, Andrés idi. (Naa yuipai Cristo.)

Juan 1:46

Natanaelpa yuidi: “Nazaret adu awa sharame”, Natanaelpa waitu Felipepa kebadi: “Uwe nu uĩkanu”, wadi.

Juan 1:49

“Rabí mi Epa Dios Wake. Mi Israeliwawe atũ Diaiwu”, Natanaelpa wadi.

Juan 4:25

Naskawaitu awĩwawe kebadi: “Ẽ tapia na Diospa nichixiwi awẽ ade Mesías. Naatu awarawu duku tapibaxiwi”, waitu.

Juan 4:29

“Ẽ awarawu yuiyaitu ea kayakawikui yuiwua na ẽ ibiswu. Naaraiki Cristo. Uĩ wukawe”, atu wadi.

Juan 4:42

Yurawawe awĩwu yuidiwu: “Na mia duku yuiya a wisti nu ikũira waiba. Nuyakui ma nu uĩya ma nu dikata awẽ tsai. Na ikũkui duku uduax Rawanaibis”.

Juan 6:69

Mi Dios ariax dukuki udi. Mi sharakui Cristo. Dios na ipadakatu naatu awẽ Wakekui mi. Naa bia nu ikũira wai”, Jesús wadiwu.

Juan 7:27

“Ma nu tapia waniax udimaiki da dukuwede. Mesías tsuã tapitiruba wakiax uimaiki”, idiwu.

Juan 7:31

Yura ichapawawe ikũira wadiwu naskata yuidiwu: “Epa Diospa Mesías nichia uxũ tsuã atiruba keskara aaxime da dukuwene atiru keskara”, idiwu.

Juan 7:52

Naskaitu Nicodemo kebadiwu: “¿Miiriwi Galilea aduame? Epa Dios tsai tapiwe tapixikĩ. Galilea adua Epa Dios tsai yuibis uaba”, wadiwu.