Juan 7:28 - Yura porciones de la biblia

²⁸ Jesúspa oración pexe meraxu atu tapibaidu a udua yuiyaiwawe tapixu atu kebadi tsai ewapatu: “Ikũme ma ea una ẽ waniax udimaiki ma tapiame. Ewẽ shinama ẽ uaba. Ewẽ Epã ea nichidi naki nu chipu diatiru. Naa maawawe ma tapiaba.

Juan 7:28 ပူးပေါင်းရင်းမြစ်များ

Lucas 10:22

Naskawata yurawu atu yuidi: “Dios ewẽ Epã ea naatiiwi inadi. Epa Dios wistichi ea tapikuiya. Ẽ wistichi Epa Dios tapikuiya. Na yurawu ẽ atu Epa Dios tapibapaiyaiwu naawaweriwi tapikuitiruwu”, atu wadi.

Lucas 2:11

Datiã wake batu kaĩxua. Yurawu atu axunupukui ubiskuiyabanuwu. Naa Diospa kañawadi naatiiwuna atũ Diaiwu inu. Na Diaiwu. Na David ipaudi aduax kaĩya.

Lucas 2:39

Joséwe María na Diaiwu Diospa yurawu kekẽxu Moisés kedebadi keskakata Galilea bai adu dasuta atũ pexe adu wudiwu. Atũ pexe pexe ichapa Nazaret adu ipaudi.

Lucas 2:4

Galilea bai adu pexe ichapa Nazaret. Nazaret aduax José kadi na pexe ichapa diaiwu datukui David ipaudi adu. Naa pexe ichapa awẽ ade Belén. Belén Judea bai adu. Josépa awẽ xidi David idi. Naskake José Maríawe Belén adu wudiwu atũ adeki kedenuwu. Wuyukaxuba Joséweta Maríane shinadiwu wianayaxakakĩ. Maríane wake dadea idi.

Lucas 2:51

Naskadu atuwe Nazaret adu dasudi. Atu dikapaudi. Na Jesús ikawu nawu awa pishta awa Maríane shinabakipaudiba.

Juan 1:46

Natanaelpa yuidi: “Nazaret adu awa sharame”, Natanaelpa waitu Felipepa kebadi: “Uwe nu uĩkanu”, wadi.

Juan 10:36

Epa Diospa ea kañawadi: ‘Ẽ Dios awẽ Wake’, ẽ batu waadu aweskakĩ: ‘Awẽ tsai chaka waa’, ma ea waime. Ewẽ Epã ea bai adu nichidi”, Jesúspa atu wadi.

Juan 12:49

“Ewẽ Epa Diospa ea yuiya keskara nadurikui ẽ batu yuibis. Ewẽ shinama ẽ batu yuiba. Ewẽ Epa Dios na ea nichidiuxũ ẽ batu yuibis.

Juan 14:10

“Ea ma ikũira waiba ewẽ Epawe naa wisti nu. Na tsai ẽ batu yuibis ewẽ shinama ẽ batu yuiba. Ewẽ Epa awẽ shina ẽ yuibis”, Jesúspa atu wadi.

Juan 14:31

Yurawawe tapinuwu ewẽ Epa ẽ duiyaitu naskatari ea yududi kayakawikui ẽ axuwaitu uĩnuwu. Naskata nu wunukawe”, Jesúspa atu wadi.

Juan 16:3

Ewẽ Epa tapiawuba eari tapiawuba. Naskakaxu batu chakawaaxikadi.

Juan 17:25

Epã mi sharakui. Yura chakawawe bia tapiawuba. Ẽ bia tapia. Ẽ udua tapibiswaweriwi bia tapiawu mi ea nichidi.

Juan 17:3

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

Juan 3:2

Yabe Jesús adu kaxu yuidi: “Maestrõ ma nu tapia Diospa bia nichidi mia duku tapibanu tsuã atiruba keskara mi atiru. Dioswe iyabaxu tsuãkai atiruba”, wadi.

Juan 3:33

Watura wetsã ikũira waxu Epa Diospa yuiyaitu: ‘Naatu ikũkui’, watiru.

Juan 5:32

Wetsã ẽ udua yuiyaitu na ikũkui. Datu yuitiru ikũkui ẽ yuiyaitu.

Juan 5:43

Epa Diospa ea nichidi ẽ batuki unu. Ẽ batuki uwiake ma ea ikũira wapaiba. Yura wetsa awikui batuki uwaitu ma iwitiru.

Juan 6:42

Naskata yuidiwu: “Na Jesús Josépa awẽ wake. Ma nu tapia apa awariwi. Aweskai: ‘Dai meraduax ẽ udi’, raika”, wadiwu.

Juan 7:14

Fiesta adaitiawubadu Jesús oración pexe mera ikita atu tapibadi.

Juan 8:14

Jesúspa atu kebadi: “Ewi ẽ yuiyai ikũkui. Ẽ tapia wakiax ẽ udimaiki. Ẽ tapia na ẽ kai ari. Maawawe tapiaba.

Juan 8:16

Atu chakawapaikĩ ẽ atu chakawatiru. Ewẽ Epa naa ea nichidiweta na shina ikũkui.

Juan 8:19

“Wani mewẽ epame”, waiwawe. Jesúspa atu kebadi: “Ea ma tapiaba. Ewẽ Epari ma tapiaba. Ea ma tapixu ewẽ Epariwi ma tapikerada”.

Juan 8:26

Ẽ batu ichapa yuikerada na ma chakabiswu. Na ea nichiditu naatu yuikuitiru. Na ẽ yurawu atu yuiyai Ewẽ Epã yuiyaitu dikaxu naskara ẽ yurawu yuikuitiru”.

Juan 8:42

Jesúspa atu kebadi: “Epa Dios matu Epake ea ma duikerada Epa Dios ikaduax ẽ udi. Ewẽ shinama ẽ udiba. Naatu ea nichidi.

Juan 9:29

“Ma nu tapia Epa Diospa Moisés tsai adi. Naa dukuwede nu tapiaba wakiax uame”, Judíowawe wadiwu.