Juan 4:31 - Yura porciones de la biblia

³¹ Ma awĩwu kaadu auxũ tapibiswawe Jesús yuidiwu: “Maestrõ piwe”, wadiwu.

Juan 4:31 ပူးပေါင်းရင်းမြစ်များ

Génesis 24:33

Ma piti inawudu yudubistu atu yuidi: “Ẽ piyuiba batu yuixuba na ẽ yuipaiyai”. Labánpa kebadi: “Duku yuiwe awamaiki nu bia dikanu”, idi.

Juan 1:38

Dasuakekawã chiruwaĩdaiwawe uĩkĩ Jesúspa atu ñukadi: “Awa ma wedaime”, atu waitu yuidiwu: “Rabí wani mi ikame”, wadiwu. (Na Rabí Judíowawe atũ tsai maestro.)

Juan 1:49

“Rabí mi Epa Dios Wake. Mi Israeliwawe atũ Diaiwu”, Natanaelpa wadi.

Juan 11:8

A udua tapibiswawe yuidiwu: “Maestrõ, judíowawe da raba bia ruwẽ retepaitawu. Awiana nadu mi kapaime”, wadiwu.

Juan 3:2

Yabe Jesús adu kaxu yuidi: “Maestrõ ma nu tapia Diospa bia nichidi mia duku tapibanu tsuã atiruba keskara mi atiru. Dioswe iyabaxu tsuãkai atiruba”, wadi.

Juan 3:26

Juan yui wukadi wudiwu: “Maestrõ na ede Jordán ukiri biki dukuita na udua duku mi yuita naatu datiã atu bautizawai. Naatiiwi yurawu aki wukadi”.

Juan 4:30

Na dikakata pexe ichapaduax Jesúski wediwu.

Juan 4:32

Jesúspa atu yuidi: “Na ẽ piyai ma tapiaba”,

Juan 6:25

Iãmawa ukiri ma dukukaxu Jesús wichikaxu ñukadiwu: “Maestrõ awetiã dudu mi uitame”, wadiwu.

Juan 9:2

A udua tapibiswawe ñukadiwu: “Maestrõ da dukuwede aweskai wexu kaĩdime apaweta awa chaka uduax iyabai awẽ chaka uduaxraka”, wadiwu.