Juan 3:17 - Yura porciones de la biblia

¹⁷ Epa Diospa yurawu atu chakawanu awẽ Wake nichidiba. Euxũ atũ chaka putakata sharanuwu nichidi”.

Juan 3:17 ပူးပေါင်းရင်းမြစ်များ

Lucas 19:10

Dukuwene Wake udua yuikĩ ẽ udua ẽ batu yuinu. Dukuwene Wake yura chakawu uduax atu wedaiyuiyudi. Atu uduax ẽ udi na chakabiswu keskara uduax ubiskuipakexanuwuba”, Jesúspa atu wadi.

Lucas 9:56

Naskata naduax Jesúswe pexe ichapaba wetsa adu wudiwu.

Juan 1:29

Peda wetsa Juanpa Jesús uwaitu uĩkĩ yurawu yuidi: “Epa Dios awẽ Ovejane Wake uĩkawe. Naatu naatiiwi yurawu atũ chaka suaxutiru.

Juan 10:36

Epa Diospa ea kañawadi: ‘Ẽ Dios awẽ Wake’, ẽ batu waadu aweskakĩ: ‘Awẽ tsai chaka waa’, ma ea waime. Ewẽ Epã ea bai adu nichidi”, Jesúspa atu wadi.

Juan 11:42

Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.

Juan 17:18

Yura chakawu adu ea mia nichidi. Ẽriwi yura chakawu adu ẽ atu nichi.

Juan 17:21

Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.

Juan 17:23

Mi ewe ika keskara ẽri atuwe ika. Na mi shinai keskarawu nuri shinatiru yura chakawawe tapinuwu mi ea nichidi. Na mi ea duiyai keskarariwi wakĩ mi atu duikui.

Juan 17:25

Epã mi sharakui. Yura chakawawe bia tapiawuba. Ẽ bia tapia. Ẽ udua tapibiswaweriwi bia tapiawu mi ea nichidi.

Juan 17:3

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

Juan 17:8

Mi ea yuiya keskara ẽ atu tapibaitu ma tapiawu. Ikũkui bi aduax ẽ udi ma tapiawu. Na mia nichidi ikũira waawu.

Juan 20:21

Awiana Jesúspa atu yuidi: “Epa Dios batu sharawanu. Ewẽ Epa ea nichidi keskawakĩ ẽ batu nichi”, Jesúspa atu wadi.

Juan 3:34

Epa Diospa nichiatu naatu Epa Dios awẽ tsai yuitiru naatumai awẽ Espíritu keyudakaba inake.

Juan 5:36

Juanpa ẽ udua yuikuibis ewẽ Epa Dios awẽ tsai Juan winukuiya. Ewẽ Epã ea nichidi awẽ yudu apaiyai keskara ẽ axunu. Ẽ awara akai keskara uĩxu ma tapitiru Epa Diospa ea nichidi na ea yudubadai ẽ naatiiwi axunu.

Juan 5:38

Epa Diospa ea nichiwidike ma ea ikũira waiba. Naskax awẽ tsai shara matu shina mera dadeaba.

Juan 5:45

Ẽ batu ewẽ Epa ñuaxuiba. Askara shinayabakawe. Awara ma chakawake Epa Diospa Moisés tsai bitsisipa inadi. Naa ma ikũira wabis naatu matu chakawu ewẽ Epã ñuaxuxiwi.

Juan 6:29

Jesúspa atu kebadi: “Epa Diospa ea nichidi ea ikũira wakawe. Naskara Diospa dui”, Jesúspa atu wadi.

Juan 6:38

Ewẽ shinama na ẽ apaiyai aaxikĩ dai ariax ẽ udiba. Ewẽ Epã ea nichidi. Naskake ewẽ Epa awẽ shinama aaxikĩ ẽ bai adu udi.

Juan 6:40

Ewẽ Epã awẽ shinama apaiyai yurawawe Diospa Wake uĩkadax na ea ikũira waawu ipadakawu. Ẽ awiana bai adu uwaitiã dabiswu ẽ atu udiwaaxiwi”, Jesúspa atu wadi.

Juan 6:57

Ewẽ Epa ipadakatu naatu ea nichidi. Naskai ẽri a uduax ipadaka. Naskariwiyai ea ikũira wakadax ẽ uduax ipadakawu.

Juan 7:29

Naskaweke ẽ tapia naduax ẽ udi. Naskata naatu ea nichidi”.

Juan 8:11

“Diaiwũ tsuã ea aweskawaaba”, waitu Jesúspa yuidi: “Ẽriwi ẽ bia aweskawaiba katawe. Ana chakayabawe”, Jesúspa wadi.

Juan 8:42

Jesúspa atu kebadi: “Epa Dios matu Epake ea ma duikerada Epa Dios ikaduax ẽ udi. Ewẽ shinama ẽ udiba. Naatu ea nichidi.