Juan 20:2 - Yura porciones de la biblia

² Naskata María ichuta Simón Pedro yawi na Jesúspa duipaudi Juan na auxũ tapibis atu chadiwai kai ichudi. Maríane rateyana atu yuidi: “Nuku Diaiwũ awẽ kaya ma tsekakaxu wakirara waawu nu tapiaba”, atu wadi.

Juan 20:2 ပူးပေါင်းရင်းမြစ်များ

Juan 13:23

Auxũ tapibis wetsa na Jesúspa duikuipaudi awẽ ade Juan piyaiwudu Jesúswe chaiba tsauwa idi judíowawe rakaxu pipaudiwu. Naskax ma weabiswu idi.

Juan 19:26

Awa ikaidu na Jesúspa duipaudi na auxũ tapibis nadu chaiba idi. Uĩta Jesúspa yuidi awa: “Awĩwu da mewẽ wake iki”, wadi.

Juan 20:13

“Aweskai mi siaikime”, ángel raweta wadiwu. Naskawaiwawe atu kebadi: “Ewẽ Diaiwũ awẽ kaya wakira wuawu”, Maríane atu wadi.

Juan 20:15

Jesúspa awĩwu ñukadi: “Aweskai mi siaikime. Mi tsua wedaime”, Jesúspa wadi. Naskawaitu Maríane shinadi naatu jardín kexebis raixu. Maríane ñukadi: “Diaiwũ ea yuiwe ewẽ Diaiwawe awẽ kaya mi wuamaiki. Wani mi waamaiki ea yuiwe ẽ wedatanu”, Maríane wadi.

Juan 20:9

Na raweta tapiyudiwuba na Diospa tsai kedea keskara. Jesús dawiyaitaxakĩ awiana widixiwi.

Juan 21:20

Naskawaidu Pedro texkeakekawã Juan wichidi akachiuri uwaitu. Juan Jesús udua tapibis naa Jesúspa duikuibis. Jesús reteyuawubadu auxũ tapibiswu atuweta piyudi. Juanpa Jesúswe pataxabexu ñukadi: “Diaiwũ tsuã bia achibaxiwime”, naatu wabis idi.

Juan 21:24

Ẽ Jesús udua tapibis. Jesúspa awarawu akaitu uĩbixakĩ. Nu batu kedexui. Nu tapia naawu ikũkui naa tsai ma ikũira watiru.

Juan 21:7

A udua tapibis Juan na Jesúspa duikuibis naatu Pedro yuidi: “Da nuku Diaiwu Jesús”, wadi. Juanpa waitu dikai Simón Pedro awẽ saweti yuduxikĩ peka saweta ede mera pakedi.