Juan 2:23 - Yura porciones de la biblia

²³ Fiesta awẽ ade Pascua Jerusalén Jesús iyuadu yura ichapawawe tsuã atiruba keskara uĩkakĩ ikũira wadiwu.

Juan 2:23 ပူးပေါင်းရင်းမြစ်များ

Lucas 8:13

Ẽ batu yuiya atiriwi exewu bakexwu adu pakediwu. Atiriwi yurawu naskara itiruwu. Na saa ika wuaikawu atũ tapũ ñatasharaba keskara itiruwu. Naawu Diospa tsai dikakadi idibayutiruwu. Chipu awara chaka ikaidu ana Diospa tsai ikũira watiruwuba.

Juan 11:45

Naskadu na judíowu María shinabai wuitawawe Jesúspa Lázaro widiyaitu uĩkakĩ ikũira wadiwu.

Juan 2:11

Pexe ichapa Caná bai Galilea aduxu Jesúspa tsuã atiruba keskara sharakui atu uĩbadi a udua tapibiswawe. Naskaitu ikũira wadiwu.

Juan 2:13

Judíowawe fiesta wapaudiwu awẽ ade Pascua, ma sababa ikaidu Jesús pexe ichapa Jerusalén kadi.

Juan 3:2

Yabe Jesús adu kaxu yuidi: “Maestrõ ma nu tapia Diospa bia nichidi mia duku tapibanu tsuã atiruba keskara mi atiru. Dioswe iyabaxu tsuãkai atiruba”, wadi.

Juan 4:45

Jerusalén aduax fiesta awẽ ade Pascua ikaidu Jesúspa tsuã atiruba keskara akaitu yurawawe uĩtaxakakĩ Galilea adu ikawu Jesús dukuwaitu aki idibadiwu.

Juan 5:36

Juanpa ẽ udua yuikuibis ewẽ Epa Dios awẽ tsai Juan winukuiya. Ewẽ Epã ea nichidi awẽ yudu apaiyai keskara ẽ axunu. Ẽ awara akai keskara uĩxu ma tapitiru Epa Diospa ea nichidi na ea yudubadai ẽ naatiiwi axunu.

Juan 6:14

Tsuã atiruba keskara Jesúspa akaitu uĩkakĩ: “Ikũkui datu Dios tsai yuibis: ‘Bai adu unupukui’, wadiwu naa ma dukua”, idiwu.

Juan 6:2

Isinikaiwu kayawaa uĩkaxu yura ichapawawe chiruwaĩdiwu tsuã atiruba keskara akaitu uĩkakĩ.

Juan 7:31

Yura ichapawawe ikũira wadiwu naskata yuidiwu: “Epa Diospa Mesías nichia uxũ tsuã atiruba keskara aaxime da dukuwene atiru keskara”, idiwu.