Juan 2:16 - Yura porciones de la biblia

¹⁶ Na riwiwu peiuxũ inayaiwu atu yuidi: “Aweskawakĩ ewẽ Epã pexe adu ma mercado waame. Naatiiwi tsekakawe”.

Juan 2:16 ပူးပေါင်းရင်းမြစ်များ

Lucas 2:49

Jesúspa atu ñukadi: “¿Aweskakĩ ma ea wedawuwasawaame? ¿Ma tapiabame ewẽ Epa awẽ pexe adu ẽ itiru?” atu wadi.

Juan 10:29

Ewẽ Epa awẽ bitsisipa ewapakui ea inadi. Tsuã ea wiãtiruba naskatari ea tsuã winuawuba.

Juan 2:15

Jesúspa atu wichita nishi atu kushapaidi. Oración pexe aduxu yuinawu atu putadi. Ovejawu putata vacawuriwi putadi. Naskata yurawuriwi putadi. Mesa adu atũ pei sapa atu saakadi. Mesari atu putadi.

Juan 20:17

Jesúspa yuidi: “Ea netewayabawe. Ewẽ Epa adu ẽ kayuaba. Euxũ tapibiswu ea yuixutawe: ‘Ewẽ Epa adu ẽ kai. Naa matu Epari. Naa ewẽ Dios. Matu Diosri’, atu yuitawe”, Jesúspa María wadi.

Juan 5:17

Naskawaiwudu Jesúspa atu yuidi: “Ewẽ Epã naa pedatiiwi yuduwawaĩdi. Ewẽ Epã yuduwaidu ẽriwi yudui”, atu wadi.

Juan 8:49

Jesúspa atu kebadi: “Ẽ wakayaba. Ewẽ Epa ẽ dui. Askataba maawawe ea duiba.