Juan 18:15 - Yura porciones de la biblia

¹⁵ Naskata Jesús iyuwaiwudu Simón Pedro Jesúsuxũ tapibis wetsawe atu kachiuri wudiwu. Ma pexe adu dukuadu na Jesúsuxũ tapibis wetsa sacerdote diaiwawe ma uĩbis idi. Naa Jesúswe ikikaĩdi.

Juan 18:15 ပူးပေါင်းရင်းမြစ်များ

Lucas 22:54

Oración pexe kexepaudiwu atũ diaiwuwawe diaiwuu wetsawuweta Jesús achikaxu sacerdotewawe atũ diaiwu datukuichi awẽ pexe adu iyudiwu. Naskaiwudu Pedropa atu chaikixu chiruwaĩdi.

Juan 18:24

Naduri ikaitu dikakĩ Anáspa Caifás adu Jesús bedextiwaxu nichidi. Naa sacerdote diaiwukui idi.

Juan 18:28

Naatiiwi widiniwuwakata Caifáspa pexe aduxu Jesús Pilato adu iyudiwu. Romanowawe atũ diaiwu Pilato idi. Naskata wenamari ma pedayaidu. Na judíowu Pilato awẽ pexe mera ikidiwuba. Ikikadax nadu chakanai taetiruwu naskakaxu Pascua fiestatiã pitiruwuba idi. Naskara weyawabiswu ipaudiwu.