Juan 17:21 - Yura porciones de la biblia

²¹ Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.

Juan 17:21 ပူးပေါင်းရင်းမြစ်များ

Juan 10:16

Naskatari ẽ oveja wetsawuya. Awu na kede aduwuba. Naawu ẽ atu iwinupukui. Naawu ẽ atu yuiyai keskanupukukadi. Nadu wistiri ichanupukukadi. Naawu oveja kexebis keskara wistiya inupukukadi.

Juan 10:30

Ewẽ Epawe ẽ nu naa wisti”, Jesúspa atu wadi.

Juan 10:38

Ea ma ikũira waiba na tsuã atiruba keskara ẽ akaitu ea ikũira wakawe tapixikakĩ ewẽ Epa ewe. Ẽriwi ewẽ Epawe”, Jesúspa atu wadi.

Juan 11:42

Ma ẽ tapia mi ea dikabis. Yurawawe tapinuwu ẽ bia yui ea ikũira wanuwu mia nichidi”, Jesúspa apa Dios wadi.

Juan 13:32

Naskake Epa Dios awẽ bitsisipa uĩwaidakawu Dukuwene awẽ Wake. Epa Dios atu sababashta awẽ bitsisipa uĩbawaidaka”, Jesúspa atu wadi.

Juan 13:35

Bawirasi ma duinanaitu. Naatiiwixu uĩkata tapinuwu maawu ẽ udua tapibiswu”, Jesúspa auxũ tapibiswu atu wadi.

Juan 17:11

Da bai adu ana ẽ ikiba. Ẽ udua tapibiswu netekadi. Na mi ikadu ẽ kaidu Epã mewẽ ade bitsisipayaxu atu kexesharawe na wisti keskara inuwu. Miiwe ẽ ika keskai na bitsisipa ea mia inadi keskawakĩ.

Juan 17:18

Yura chakawu adu ea mia nichidi. Ẽriwi yura chakawu adu ẽ atu nichi.

Juan 17:20

“Ẽ udua tapibiswu wisti ẽ atu kiwĩxuiba. Wetsawaweri ewẽ tsai ẽ udua dikakakĩ ea ikũira waaxikadi naawu ẽ atu kiwĩxui.

Juan 17:25

Epã mi sharakui. Yura chakawawe bia tapiawuba. Ẽ bia tapia. Ẽ udua tapibiswaweriwi bia tapiawu mi ea nichidi.

Juan 17:3

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

Juan 17:8

Mi ea yuiya keskara ẽ atu tapibaitu ma tapiawu. Ikũkui bi aduax ẽ udi ma tapiawu. Na mia nichidi ikũira waawu.

Juan 3:17

Epa Diospa yurawu atu chakawanu awẽ Wake nichidiba. Euxũ atũ chaka putakata sharanuwu nichidi”.

Juan 5:23

Yurawawe Epa Dios awẽ Wake idibaxukata na Apa idibaxuwai keskawakakĩ. Epa Diospa awẽ Wake idibaxukakĩba Apari idibaxutiruwuba na nichidi.