Juan 15:24 - Yura porciones de la biblia

²⁴ Epa Diospa ea axuwaidu na tsuã atiruba keskara ẽ batu uĩbabis. Naskake ea duikaspakata ewẽ Epari duikaspakadi.

Juan 15:24 ပူးပေါင်းရင်းမြစ်များ

Lucas 24:19

Jesúspa atu ñukadi: “¿Awa aweskaitame?” atu waitu “Jesús na Nazaret adu ipaudi na udua nu tsaiki. Na Jesúspa yurawu yuiwawaĩda dikaxu na awawaĩda uĩkaxuriwi Diospa naatiiwi yurawuweta Jesús uĩwawaĩdawu profeta bitsisipakui ikakaĩda.

Juan 10:32

Naskake Jesúspa atu yuidi: “Ewẽ Epã awẽ bitsisipauxũ ẽ awara shara tsuã atiruba keskara aka. Nauxũ ea ma ruwe tsakapaime”, Jesúspa atu wadi.

Juan 10:37

“Ewẽ Epã awara atiru keskara ẽ ayabaitu ea ikũira wayabakawe.

Juan 12:10

Naskata sacerdote diaiwuwawe shinadiwu Lázaro retepaikakĩ.

Juan 12:45

Naskatari ea ma uĩkĩ na ea nichidiri ma uĩ”, Jesúspa atu wadi.

Juan 14:9

Naskaitu Jesúspa kebadi: “Ea ma tapiyuabame. Ea ma tapixu ewẽ Epari ma tapikerada. Aweskakĩ mewẽ Epa ea Uĩbawe ea mia waime”, Jesúspa Felipe wadi.

Juan 15:21

Ma ea ikũira wake na ea abiswu keska batu waaxikadi ea nichidi tapitsiwakaxu.

Juan 15:22

Ẽ atuki uyabadike atũ chakawu uduax chakawu ikerada. Naskaweke datiã atũ chaka uduax atuki ẽ raeiba.

Juan 15:23

Ea duikaspakakĩ ewẽ Epari duikaspakadi.

Juan 16:9

“Naskatari na ea ikũira waaba naa chakabis.

Juan 3:2

Yabe Jesús adu kaxu yuidi: “Maestrõ ma nu tapia Diospa bia nichidi mia duku tapibanu tsuã atiruba keskara mi atiru. Dioswe iyabaxu tsuãkai atiruba”, wadi.

Juan 5:36

Juanpa ẽ udua yuikuibis ewẽ Epa Dios awẽ tsai Juan winukuiya. Ewẽ Epã ea nichidi awẽ yudu apaiyai keskara ẽ axunu. Ẽ awara akai keskara uĩxu ma tapitiru Epa Diospa ea nichidi na ea yudubadai ẽ naatiiwi axunu.

Juan 6:36

Ẽ batu yuiwiyaitu ea ma ikũira waiba ea uĩwikakĩ.

Juan 7:31

Yura ichapawawe ikũira wadiwu naskata yuidiwu: “Epa Diospa Mesías nichia uxũ tsuã atiruba keskara aaxime da dukuwene atiru keskara”, idiwu.

Juan 9:32

Wani pishta ẽ dikabisba wexu kaya na kaĩditiã nu uĩbisba uĩyaitu.

Juan 9:41

Naskaiwawe Jesúspa atu kebadi: “ ‘Nu wexuba nu chakabisba’, ma ika. Naskaweke ‘Ma nu uĩtiru’, raika matu chaka naskaspakedaka”, Jesúspa atu wadi.