Juan 14:7 - Yura porciones de la biblia

⁷ “Ea ma tapixu ewẽ Epari ma tapinupukui. Datiã ma ea uĩ. Ewẽ Epari ma uĩnupukui”.

Juan 14:7 ပူးပေါင်းရင်းမြစ်များ

Lucas 10:22

Naskawata yurawu atu yuidi: “Dios ewẽ Epã ea naatiiwi inadi. Epa Dios wistichi ea tapikuiya. Ẽ wistichi Epa Dios tapikuiya. Na yurawu ẽ atu Epa Dios tapibapaiyaiwu naawaweriwi tapikuitiruwu”, atu wadi.

Juan 1:18

Tsuã Epa Dios uĩbisba. Naskaweke awẽ Wake wisti Jesús nawe ika. Naa Dios. Naatu duku tapibatiru awe keskaramaiki Epa Dios.

Juan 15:24

Epa Diospa ea axuwaidu na tsuã atiruba keskara ẽ batu uĩbabis. Naskake ea duikaspakata ewẽ Epari duikaspakadi.

Juan 16:3

Ewẽ Epa tapiawuba eari tapiawuba. Naskakaxu batu chakawaaxikadi.

Juan 17:21

Naskake ẽ bia atu kiwĩxui na nu shinai keskara wisti shinanuwu na bia ikũirawaawawe. Naskake yura chakawawe ikũira wanuwu ea mia nichidi.

Juan 17:23

Mi ewe ika keskara ẽri atuwe ika. Na mi shinai keskarawu nuri shinatiru yura chakawawe tapinuwu mi ea nichidi. Na mi ea duiyai keskarariwi wakĩ mi atu duikui.

Juan 17:26

Bia ẽ atu tapibabis na mi ea duiyai keskari wakĩ nawaweri wetsawu duikuinuwu ẽ atuwe iyuadu. Naskatari ẽ atu uĩbabis”, Jesúspa Apa kiwĩkĩ naskawadi.

Juan 17:3

Bia tapikata ikũira waawu eariwi tapikata na ea ikũira waawu naawu ipadakawu. Mi Epa Dios wisti ikũkui. Jesucristo bai adu mi nichidi.

Juan 17:6

“Ẽ udua tapibiswu ea mia inadi mi awe keskaramaiki ẽ atu uĩbanu. Dawu mewenawu ipaudi. Nawuwawe bia ikũira waawu.

Juan 17:8

Mi ea yuiya keskara ẽ atu tapibaitu ma tapiawu. Ikũkui bi aduax ẽ udi ma tapiawu. Na mia nichidi ikũira waawu.

Juan 6:46

Tsuã Epa Dios uĩbisba. Eres wisti ẽ Epa Dios uĩbis. Naatu ea nichidi.

Juan 8:19

“Wani mewẽ epame”, waiwawe. Jesúspa atu kebadi: “Ea ma tapiaba. Ewẽ Epari ma tapiaba. Ea ma tapixu ewẽ Epariwi ma tapikerada”.