25 “Ẽ batuwe iyuxu naawu ẽ batu yui.
“Ea naskawayuawubadu datiã ẽ batu yui awara aweskaraidu maawawe ea ikũira wanu tsua udiyabadu ma ẽ udia idi”, Jesúspa atu wadi.
“Ea ikũira waabatu ewẽ tsai duiba. Na tsai ma dikai ewenaba. Ewẽ Epana. Na ea nichidituna”.
Ewẽ Epã Espíritu Santo yurawu awara shara tapibatiru nichinupukui ewẽ adeuxũ. Naatu awarawu batu tapibaidu na ẽ batu tapibabis ma shinanupukui”.
Ikabadu ẽ batu yui. Naskata awara aweskaraitu ea ikũira wakawe”.
“Naduri ẽ batu yui ewe ma idibakuinu na ẽ ikai keskai.
“Ichapa ẽ batu yuipana. Datiã atiiwi ma dikatiruba.
