Juan 14:24 - Yura porciones de la biblia

²⁴ “Ea ikũira waabatu ewẽ tsai duiba. Na tsai ma dikai ewenaba. Ewẽ Epana. Na ea nichidituna”.

Juan 14:24 ပူးပေါင်းရင်းမြစ်များ

Juan 14:10

“Ea ma ikũira waiba ewẽ Epawe naa wisti nu. Na tsai ẽ batu yuibis ewẽ shinama ẽ batu yuiba. Ewẽ Epa awẽ shina ẽ yuibis”, Jesúspa atu wadi.

Juan 14:15

Awiana Jesúspa atu yuidi: “Maawawe ea duikĩ ewẽ tsai bitsisipa ma ikũira wapadaka.

Juan 14:25

“Ẽ batuwe iyuxu naawu ẽ batu yui.

Juan 3:11

“Ẽ bia yuikuinu. Na ẽ yuiyai na nu tapia. Na nu uĩyawu naawu nu batu yui: Naskaweke ma ikũira waiba na nu yuiyai.

Juan 3:34

Epa Diospa nichiatu naatu Epa Dios awẽ tsai yuitiru naatumai awẽ Espíritu keyudakaba inake.

Juan 5:19

Naskaxu Jesúspa atu yuidi: “Ẽ batu yuikuinu. Ẽ Dios awẽ Wake ewẽ shinama ẽa awa atiruba. Ewẽ Epa Diospa akaitu uĩxu ẽri atiru. Na Epa Diospa awara akai awẽ Wakẽri naa atiru.

Juan 5:38

Epa Diospa ea nichiwidike ma ea ikũira waiba. Naskax awẽ tsai shara matu shina mera dadeaba.

Juan 7:16

Jesúspa atu kebadi: “Na ẽ batu tapibai ewenaba ewẽ Epana. Na ea nichiditu naa.

Juan 7:28

Jesúspa oración pexe meraxu atu tapibaidu a udua yuiyaiwawe tapixu atu kebadi tsai ewapatu: “Ikũme ma ea una ẽ waniax udimaiki ma tapiame. Ewẽ shinama ẽ uaba. Ewẽ Epã ea nichidi naki nu chipu diatiru. Naa maawawe ma tapiaba.

Juan 8:26

Ẽ batu ichapa yuikerada na ma chakabiswu. Na ea nichiditu naatu yuikuitiru. Na ẽ yurawu atu yuiyai Ewẽ Epã yuiyaitu dikaxu naskara ẽ yurawu yuikuitiru”.

Juan 8:28

Naskake Jesúspa atu yuidi: “Maawawe cruzki bastaxu widibakata Dukuwene awẽ Wake ma tapixiwi tsuamaiki. Ewẽ Epa awẽ bitsisipaya ẽ. Ewẽ shinama awa ẽ atiruba. Ewẽ Epa ea yuiya ẽ atiru.

Juan 8:38

“Na ewẽ Epã ea tapibabis ẽ batu yui. Naskariwiyai maawawe Dios udua ma dika naskakawe”, Jesúspa atu wadi.

Juan 8:42

Jesúspa atu kebadi: “Epa Dios matu Epake ea ma duikerada Epa Dios ikaduax ẽ udi. Ewẽ shinama ẽ udiba. Naatu ea nichidi.