Juan 14:13 - Yura porciones de la biblia

¹³ Awara ewẽ adeuxũ ewẽ Epa ma ñukaitu ẽ batu axunupukui naskaitu yurawawe ‘Epa Dios shara’, wanuwu.

Juan 14:13 ပူးပေါင်းရင်းမြစ်များ

Lucas 11:9

Naskake ẽ batu kekẽi: ñukakawe Dios batu inanu. Wedakawe wichixikĩ. Wepeti aduax kedakawe batu ikibanu.

Juan 10:30

Ewẽ Epawe ẽ nu naa wisti”, Jesúspa atu wadi.

Juan 12:44

Jesúspa tsai ewapatu atu yuidi: “Na ea ikũira waawu ea wisti ikũira waawuba. Ewẽ Epã na ea nichidiri ikũira waawu.

Juan 13:31

Ma Judas kaidu Jesúspa a udua tapibiswu atu yuidi: “Iskaratiã ma yurawawe Dukuwene Wake awẽ bitsisipa ma uĩyawu euxũ Epa Diospa awẽ bitsisipa ma uĩyawu.

Juan 14:14

Awara wetsa ewẽ adeuxũ ma ea ñukaitu ẽ batu axutiru”, Jesúspa atu wadi.

Juan 14:6

Jesúspa kebadi: “Ẽ uduax ewẽ Epa adu ma dukutiru. Ẽ na waitapiakui keskara. Yurawu ẽ uduax ipatiruwu”, atu wadi.

Juan 15:16

“Maawawe ea kañawadiba. Askataba na ẽ batu kañawaitii ẽ batu katubis. Na iwi puña wibi ichapaya itiru keskai ma naskanu ẽ batu nichibis. Naskake ewẽ adeuxũ awara ewẽ Epa ma ñukaitu batu inatiru.

Juan 15:7

“Maawu iki ma paxkayabake ewẽ tsai ma ikũirakui waxu. Ma kiwĩta awara ma ñukaitu Epa Dios batu axutiru.

Juan 16:23

“Naskaidu da pedata. Ana ea ma awa ñukawaidakaba. Ẽ batu yuikuinu ewẽ adeuxũ. Ewẽ Epa awara ma ñukaitu batu inaxiwi.

Juan 16:26

Naa pedata ewẽ adeuxũ awara ma Epa Dios ñukaxiwi. Ẽ batu kiwĩxuxiba. Bawirasi ma Epa Dios kiwĩxiwi.

Juan 16:7

Naskake ẽ batu yuikui ẽ kayabake Espíritu Santo batuki utiruba. Ẽ kaxu batuki Espíritu Santo nichinupukui.

Juan 4:10

Jesúspa kebadi: “Diospa bia inapaiyai mi tapiaba. Mi eari tapiaba. Mi ea ñukaitu ẽ bia ede shara inatiru. Ene shara yurawu ibapaketiru”, Jesúspa wadi.

Juan 4:14

Na ede ẽ batu inai ayax ana ma dubidakaba. Naa ede bai meradua tsekeyai keskara ayax ma dadakaba”, Jesúspa wadi.

Juan 5:19

Naskaxu Jesúspa atu yuidi: “Ẽ batu yuikuinu. Ẽ Dios awẽ Wake ewẽ shinama ẽa awa atiruba. Ewẽ Epa Diospa akaitu uĩxu ẽri atiru. Na Epa Diospa awara akai awẽ Wakẽri naa atiru.

Juan 7:37

Fiesta ewapa ma adaitiadu Jesús widinakawata tsai ewapatu atu yuidi: “Watura wetsa ea dubiyai e adu wekawe. Na ea ikũira wai ede ayatiru.