Juan 11:28 - Yura porciones de la biblia

²⁸ Naskawata Martapa awẽ chiku María kedaxu tsuã dikayabaidu yuidi: “Ma Rabí dukuxu bia kedaba”, wadi.

Juan 11:28 ပူးပေါင်းရင်းမြစ်များ

Lucas 22:11

Duduri pexe iwu ñukatakawe: ‘Nuku Diaiwawe bia ñuka: “¿Watu kede meraxu na euxũ tapibiswuweta ẽ fiesta Pascua piti pitirume?” bia waa’, watakawe.

Juan 1:41

Andréspa udiwetsa wichikĩ taewadi Simón. Ma wichixu yuidi: “Ma nu Mesías wichia”, Andrés idi. (Naa yuipai Cristo.)

Juan 1:45

Felipepa Natanael wedai kai kadi. Yuidi: “Ma nu Jesús wichia na Moiséspa Epa Dios tsai a udua kededi. Profetawaweri a udua kedediwu. Naa Jesús Josépa awẽ wake. Nazaret adua”, Felipepa Natanael wadi.

Juan 10:3

Naa kaĩti adu dukuadu na dukuwede kaĩti kexebistu weputi wepexudadu oveja kexebistu awẽ ovejawu kedatiru. Awẽ ovejawawe awẽ ui tapinaatiruwu. Naskaxu awẽ ovejawu atũ ane atu kedaitu awẽ ovejawawe beewaĩtiruwu.

Juan 11:20

Jesús dukuwaitu dikai Marta aki dukui kai kadi. María kadiba. Awẽ pexe adu netedi.

Juan 11:29

Naa dikai María kushi widinakawãdi. Jesúski dukui kai kadi.

Juan 11:30

Jesús Betania adu ikiyuaba idi. Na Marta awe wichinadu Jesúswe nadu idi.

Juan 13:13

“Maawawe: ‘Diaiwu Maestro’, ea ma watiru. Ea ma yuikuibis eemai matu Diaiwuke.

Juan 20:16

Naskaitu Jesúspa María yuidi: “María”, wadi. María dasuakekawã: “Raboni”, wadi. Raboni yuikakĩ judíowawe atũ tsaima: “Awara atu tapibabis”, watiruwu.

Juan 21:7

A udua tapibis Juan na Jesúspa duikuibis naatu Pedro yuidi: “Da nuku Diaiwu Jesús”, wadi. Juanpa waitu dikai Simón Pedro awẽ saweti yuduxikĩ peka saweta ede mera pakedi.