Juan 11:25 - Yura porciones de la biblia

²⁵ Naskayaitu Jesúspa yuidi: “Dawiyaiwawe ẽ atu ibapaketiru. Naa ea ikũira waa dawiake ẽ widibatiru ewe ipaxanu.

Juan 11:25 ပူးပေါင်းရင်းမြစ်များ

Lucas 23:43

Jesúspa kebadi: “Ẽ bia yuikui. Da pedata na sharashtakui adu na yurawu Dioswe ikawu adu mi ewe ikikai”, wadi.

Juan 1:4

A uduax nu ipatiru na Jesús idi. Yurawu uduax ipatiru chaxayai na Jesús idi.

Juan 14:19

Da bai aduxu ea ikũirawaawubawawe ea ana ma uĩyuuxiba. Naskaweke maawawe ea uĩxiwi. Ẽ dayuxiwi. Awiana ẽ widixikĩ.

Juan 14:6

Jesúspa kebadi: “Ẽ uduax ewẽ Epa adu ma dukutiru. Ẽ na waitapiakui keskara. Yurawu ẽ uduax ipatiruwu”, atu wadi.

Juan 3:16

Epa Diospa naatiiwi yurawu duikuikĩ awẽ Wake wisti nichidi. Naskake na ikũira waawutii ubiskuidakawuba. Chii ere mera wudakawuba. Awe ipadakawu.

Juan 3:36

Epa Dios awẽ Wake ikũira wakadax ipadakawu. Na Epa Diospa wake ikũirawaawuba ipadakawuba. Askataba Epa Diospa atu ubiskuibapakedaka”, atu wadi.

Juan 5:21

Epa Diospa yura daadu kayawata ibapaketiru. Awẽ Wake Jesúspari naskawatiru. Yura daadu kayawata ibapaketiru.

Juan 5:26

Epa Dios dua yurawu naatiiwi diawu. Naskake awẽ Wakeriwi awẽ bitsisipa inadi yurawu naatiiwi widitiru.

Juan 6:35

Jesúspa atu yuidi: “Ẽ piti datukui. Na pikadax ipatiruwu. Iki uax ana tsua wudidakaba. Naa ea ikũira waawu ana dubidakaba.

Juan 6:44

Ewẽ Epã na ea nichiditu axuyabaidu tsua ẽ udua tapibis itiruba. Ewẽ Epã na baitiu ma adaitiyaidu na ẽ udua tapibiswu awiana ẽ widinupukui Epa Dioswe ipaxanuwu.