Génesis 37:8 - Yura porciones de la biblia

⁸ Naduri atu yuiyaitu dikakakĩ iyua ranawai kebadiwu: “Mewẽ daba mia duku yuiyai mi nuku diaiwu iixiwi mi duku yuduxime”, wadiwu. Awẽ dabari dikakaspanadiwu atu yuiyaitu.

Génesis 37:8 ပူးပေါင်းရင်းမြစ်များ

Génesis 27:41

Esaúpa Jacob duikaspakĩ taewadi shina sharawu apa inapaiyai wiãitake. Naskake: “Ma ewẽ epa daadu Jacob ẽ retexiwi”, Esaú idi.

Génesis 37:4

Jacobpa José duiyaitu udiwetsawawe tapikaxu duikaspakata uĩkaspapaudiwu.

Génesis 37:9

José awiana dabaxu awẽ uchi rana atu yuidi: “Wari uxe once exteweru ikaidu ikiri wesuxu na diaiwu atiru keska ea waawu”, atu wadi.

Génesis 42:10

Naskata kebadiwu: “Ewẽ diaiwu askaraba. Nuwu mewẽ uibatiwu nu trigo peiuxũ wiyua.

Génesis 44:18

Naskata Judá José adu kaxu yuidi: “Ewẽ diaiwũ mi diaiwukui mi faraón keskarakui. Naskaxu ea dikawe ẽ bewe tsaipai tsuã dikayabaidu. Iki sidayabawe.

Génesis 49:26

Mewẽ epã bia awara sharawu ina winubata. Ewẽ epawawe ea askawadiwuba. Naa awara sharawu Josépa awẽ bapu adu ipadaka. Mewẽ udiwetsawu adua Epa Dios bia kañawadi.

Génesis 50:18

Naskata Josépa awẽ udiwetsawu dukukata baikiri wepepakewuwakata yuidiwu: “Ma nu ua. Nu mewẽ uibatiwu”, wadiwu.

Lucas 19:14

Awẽ bai aduxu na diaiwu yurawawe duikaspapaudiwu. Na diaiwu kaadu naawawe dukuwedewu nichidiwu atu na naatiiwuna atũ diaiwu yuixutanuwu: ‘Na dukuwede mi nuku diaiwu datukuiwawaidaka nuku diaiwu datukui iyabanu’, watanuwu.

Lucas 20:17

Naskawaiwawe Jesúspa atu aas uĩyana atu yuidi: “Diospa tsai dikakawe: ‘Na ruwe na pexe wabiswawe putayabeawu datiã pexe kedeakeawu bitsisnawaa. Bitsisipakui. Na ruwe wetsawu kedeakeawu adu bitsisipawuba’. Naduri kedea.