Génesis 27:4 - Yura porciones de la biblia

⁴ Na dabi ẽ pipaitiru keskara ea axuwe ẽ naxuba ẽ piyunu. Ea pichaxuwe dabi shara ẽ pipaibis keskara ewẽ awara sharawu ẽ bia inaxinu”, Isaacpa wadi.

Génesis 27:4 ပူးပေါင်းရင်းမြစ်များ

Génesis 14:19

Tsai shara ma Melquisedecpa Abram yuidi: “Dios tsuã winutiruba dai udiwata bairiwi udiwadi. Naskake Epa Dios bia sharawai.

Génesis 24:60

Rebeca kayuabadu awẽ kaiwuwawe shinayana tsai sharapa awẽ kaiwuwawe yuidiwu: “Mewẽ kaiwuunuax ichapanawã kaĩpakedakawu. Nawuwawe atu rare akata uibati wapadakawu”, wadiwu.

Génesis 27:14

Naskata Jacobpa cabrito keskara rawe wii kai kadi. Ma weadu awa Rebecapa pichaxudi na pipaitiru keskara Isaacpa pinu.

Génesis 27:17

Ma piti ikadu Jacobpa apa wete inata pan inadi pinu.

Génesis 27:19

Jacobpa apa yuidi: “Ẽ mewẽ wake iyua. Esaú. Naa mia ea yuiya ma ẽ bia axua. Widinakawata ẽ bia wexua piwe. Naskaxu mewẽ awara sharawu ea inawe”, Jacobpa Isaac wadi.

Génesis 27:23

Isaacpa unadiba puña rawemai radiyake naa Esaú keskaramaiki. Awẽ tsai sharawu inataba tapikuipaidi.

Génesis 27:25

Naskata apã yuidi: “Na mi retea pichaxu ea inayuwe ẽ pinu. Ewẽ awara sharawu ẽ bia inanu”, apã wadi. Jacobpa apa piti inadi pinu naskatari vino wexudi, Isaacpa pita ayanu.

Génesis 27:27

Jacob apaki uxũ tabuki tsu adi. Isaacpa awẽ saweti xetedi. Tsai sharapa yuidi: “Dii itsa keskara ẽ bia xetei. Dios bia sharawada.

Génesis 27:31

Naskata pichaxudi piti shara Esaúpa. Dukuta: “Epã widinakawata piwe mewẽ wakẽ yuina retea mewẽ tsai shara ea inaxikĩ”, Esaúpa apa wadi.

Génesis 27:5

Apa Isaacpa Esaú yuiyaitu Rebecapa dikadi. Ma Esaú dii mera kaadu

Génesis 27:7

‘Na ẽ dabi pipaitiru ea axuwe. Naskatari ẽ piyunu ẽ bia awara sharawu inaxinu Diaiwu Diospa uĩyaidu’, waitu ẽ dika”, Rebecapa Jacob wadi.

Génesis 27:9

Yuinawu kede mera ikawu adua oveja keskara raweta atũ wake sharakui ea wixutawe mewẽ epa pipaitiru keskara ẽ pichaxunu.

Génesis 28:3

Epa Dios bitsisipakui bia kexesharai. Mi uduax mewẽ kaiwuu uduax ichapanawã kaĩpakedakawu ichapa ipaxanuwu yurawu bai wetsa adu ikawu.

Génesis 48:9

“Da wake rawe Egipto aduxu ẽ atu aka”, Josépa apa wadi. Jacobpa awẽ xuta rawe atu duiyana: “Dirishara wekawe ẽ batu tsai shara inanu”, atu wadi.

Génesis 49:28

Nawu Jacobpa wakewu docewu. Nawu apa Israelpa tsai shara inapakekĩ atu yuidi.

Lucas 2:34

Simeónpa atu yuidi: “Dios batu sharawanu”, atu wadi. Naskata Simeónpa María yuidi: “Ea dikapu. Diospa shinadi da wake uduax Israel adu yura ichapa bitsisipawu chipu ana bitsisipa iixikadiba. Naskaiwudu ichapa na awabawu bitsisipa iixikadi. Da wakẽ awara akaitu uĩkaxu yurawawe tapixikadi Diospa atũ xidiwu na yuidi keskawai. Naskaweke mewẽ wake yura ichapawawe duikaspanupukukadi.

Lucas 24:51

Naskawayana atubakiduax kaidadi Apã dai ari iyuwaidu.