Génesis 26:24 - Yura porciones de la biblia

²⁴ Isaacki Epa Dios naa yabeta aki dukuta yuidi: “Mewẽ epa Abrahampa ẽ awẽ Dios. Beseyabawe. Ẽ bewe ika. Abrahamuxũ ẽ bia awara shara inaxiwi. Naskatari mewẽ kaiwuu uduax ichapanawã kaĩpakedakawu ichapa idakawu”, Diospa wadi.

Génesis 26:24 ပူးပေါင်းရင်းမြစ်များ

Génesis 13:16

Naskatari ẽ aaxiwi bai putu tsuã tanawatiruba naatii mewẽ kaiwuu uduax ichapanawã kaĩpakedakawu inuwu.

Génesis 15:1

Chipu Epa Diospa tsai adi. Abram awẽ dabapa yuidi: “Rateyabawe Abram. Ẽ bia kexei. Ẽ bia inai awara sharawu”, Epa Diospa wadi.

Génesis 17:7

Dukuraweta na nu shinakuiyai mewẽ kaiwuunuax ichapanawã kaĩpakedakawuwetari ẽ anupukui. Ẽ mewẽ Dios iixiwi mewẽ kaiwuu uduax ichapanawã kaĩpakedakawu ẽ atũ Diosri ipadaka.

Génesis 17:8

Da bai Canaán adu mi ika na mi yura wetsa keskara. Ẽ bia inata mewẽ kaiwuunuax ichapanawã kaĩpakedakawu ẽ inananupukui atuna ipaxanu”, Epa Diospa wadi.

Génesis 21:17

Epa Dios dai arixu dikadi Ismael siaikaitu. Naskata Epa Dios awẽ ángelpa kedadi: “Agar mi aweskaime. Beseyabawe. Mewẽ wake siaikaitu Diospa ma dika.

Génesis 22:17

“Ẽ bia yuikui awara bia inaxikĩ. Mewẽ wakeuxũ mewẽ kaiwuunuax ichapanawã kaĩpakedakawu. Na exteweruwu keskara tsuã tanawatiruba naskara bishpu keskarariwi idakawu. Nawuwawe atũ duikaspabiswu atũ bai iwuwadakawu.

Génesis 22:19

Abraham awẽ wakewe awẽ uibati rawe adu dasudiwu. Naatiiwi Beerseba adu wudiwu.

Génesis 24:12

Naskata yudubistu kiwĩdi: “Epa Dios ewẽ diaiwu Abraham mi awẽ Dios ẽ bia ñukai ea axusharawe ewẽ diaiwu Abraham mi sharawaa keskawakĩ eariwi naskawawe ẽri sharanu.

Génesis 28:13

Bipiti amanauri Diaiwu Dios dia idi. Naduxu yuidi: “Mewẽ xuta Abraham mewẽ epa Isaac ẽ atũ Dios. Da bai mi uxadu ẽ bia inaxiwi na mewẽ kaiwuu uduax ichapanawã kaĩpakedakawuri.

Génesis 28:15

Ẽ bewe kai. Narixu ẽ bia kexexiwi. Ẽ bia putaxiwiba. Ẽ bia yuiyai bia axuxiwi. Ana da bai adu awiana ẽ bia ewexiwi”, Diospa wadi.

Génesis 28:3

Epa Dios bitsisipakui bia kexesharai. Mi uduax mewẽ kaiwuu uduax ichapanawã kaĩpakedakawu ichapa ipaxanuwu yurawu bai wetsa adu ikawu.

Génesis 30:27

Naskaitu tsai pachiwaxu Labánpa yuidi: “Ẽ ikaduax kayuyabawe. Ewẽ ñuweuxũ ẽ tapia miuxũ Dios awane ea yupababa.

Génesis 31:5

Jacobpa atu yuidi: “Matu epa ana ea apaudi keskawaiba. Naskaweke ea Diospa kexebis atu wadi.

Génesis 39:2

Diospa José kexesharapaudi. Awẽ diaiwu Egipto adua idi awẽ pexe adu ike Diospa axusharapaudi awẽ diaiwu yudusharaxunu.

Génesis 39:3

Diospa José axuwaitu awẽ diaiwawe José unadi Diospa axusharapaudi sharata inu.

Génesis 46:1

Jacob ade raweya ipaudi. Awẽ ade wetsa Israel. Israel awẽ awarawuya Beerseba adu ma dukuxu apa Isaacna awẽ Dios ruwe petsaidaxu awara shara inadi.

Lucas 12:32

Jesúspa auxũ tapipaudiwu atu awi yui idi. “Maawu ewẽ ovejawu. Ma ichapaba. Beseyabakawe. Epa Diospa ma shina batuwu kañawata matu diaiwu iixikĩ. Naduri shinai Dios idibai.