Génesis 25:20 - Yura porciones de la biblia

²⁰ Isaac cuarenta wari ma aki ikadu Rebecawe wianadi. Betuelpa awẽ wake Rebeca Labánpa chiku idi. Nawu Arameowu Padán-aram bai adu ipaudiwu.

Génesis 25:20 ပူးပေါင်းရင်းမြစ်များ

Génesis 22:23

Na Betuel Rebecapa apa idi. Naawu na ocho wakewu Milcápa Nahor Abrahampa awẽ extu inadi.

Génesis 24:15

Kiwĩkĩ adaitiabadu Rebeca dukudi. Awẽ bapu kiti keskara iaxu wedi. Rebeca Betuel wake idi. Milcá Nahor atũ wawa idi. Nahor Abrahampa awẽ udiwetsa idi.

Génesis 24:29

Labánpa chiku Rebeca idi. Naa ichudi Abrahamweta yudubis wichikai camellowawe ayabiswu adua.

Génesis 24:67

Naskata Isaacpa Rebeca awẽ yuina wichi tapas mera iyudi. Naduax wianadiwu. Naa yuina wichi tapas Sarana idi. Isaacpa Rebeca duikuidi. Naskax Rebecapa Isaac awa daita shinabakibadi.

Génesis 25:26

Naskata udiwetsa kaĩdi. Meke wistichi Esaú awẽ tae chichuku ñatax tsekedi. Naskake awẽ ade Jacob wadiwu. Jacob wakakĩ Tae chichuku ñatax tsekea wapaudiwu. Isaac sesenta wari ma aki ikadu Rebeca wake rawe kaĩdi.

Génesis 27:43

Naskake itipiniwe. Ewẽ uchi Labán ikadu Harán adu katawe.

Génesis 28:2

Bai awẽ ade Padán-aram adu katawe. Mewẽ chata Betuel ikadu naduax mewẽ kuka Labánpa awẽ wake wetsawe wianatawe.

Génesis 28:7

Apaweta awã Jacob yuiyawu keskai Padán-aram adu kadi.

Génesis 31:18

Naskata Padán-aram aduxu awarawu wibixakĩ nawuya kadi Canaán adu awẽ apa Isaac ipaudi adu.

Génesis 31:20

Jacobpa naskaxu Labán arameo paradi yuitaba kadi.

Génesis 31:24

Naa yabeta Labán arameo Epa Dios dababakĩ iskawadi: “Mi Jacob retetiwakiki”, wadi.

Génesis 33:18

Jacob Padán-aram aduax aweskataba Canaán adu dukudi. Pexe ichapa awẽ ade Siquem adu pexe wadi.

Génesis 35:26

Lía awẽ uibati awẽ ade Zilpá nawetari Israel wake rawe adi. Awẽ wake iyua Gad wetsa Aser. Naawu Jacobpa awẽ wakewu bai Padán-aram aduax kaĩdiwu.

Génesis 35:9

Padán-aram aduax Jacob dasuadu Epa Dios aki dukudi. Naskata Epa Dios shina shara inadi.

Génesis 46:15

Nawu Líaweta Jacobpa atũ wakewu. Padán-aram aduax kaĩdiwu. Atũ wake xutukuwake naduax kaĩdi. Awẽ ade Dina idi. Naatiiwi atũ wakewu dukuwedewu xutukuwake treinta y tres idi.

Lucas 4:27

Profeta Eliseo ipauditiã Israel bai adu iruba isiyawu ichapa ipaudiwu. Naskawiyaiwawe Diospa nuku iruba isiya ipaudiwu atu kayawadiba. Dukuwede awẽ ade Naamán kayawadi. Naa iruba isiya ipaudi Siria bai adua ipaudi”, Jesúspa atu wadi.