Génesis 24:32 - Yura porciones de la biblia

³² Abrahampa yudubistu pexe mera ikikaĩdi. Nadu Labánpa camellowawe peweawu wutubadi atu pibaxikĩ. Atu ede waxudi awẽ uibatiwawe atũ tae chukanuwu.

Génesis 24:32 ပူးပေါင်းရင်းမြစ်များ

Génesis 18:4

Ẽ atu yuinu ede wenuwu matu tae ma chukanu. Iwi dia namaxu tedeyukawe.

Génesis 19:2

Lotpa dukuwede rawe atu duiyana atu yuidi: “Ewẽ diaiwu raweta ewẽ pexe adu wukawe naduxu matu tae chukaxikakĩ. Wenamari wutaxikakĩ”, Lotpa atu wadi. Ángel raweta kebadiwu: “Shinachakayabawe. Wanira wetsa nu uxai”, wadiwu.

Génesis 24:33

Ma piti inawudu yudubistu atu yuidi: “Ẽ piyuiba batu yuixuba na ẽ yuipaiyai”. Labánpa kebadi: “Duku yuiwe awamaiki nu bia dikanu”, idi.

Génesis 29:13

Puĩ awẽ wake Jacob dikai Labánpa aki dukuta pishkuta tsu adi. Naskata awẽ pexe adu ewedi. Jacobpa awẽ kuka Labán awarawu yuidi.

Génesis 43:24

Naskata Josépa awẽ pexe mera atu iyudi. Naskata atu ede wixudi atũ tae chukanuwu. Atũ asnowuri pibaxudi.

Lucas 7:44

Naskawata awĩwu auri wesuakekawata Jesúspa Simón yuidi: “Na awĩwawe ea akai keskara shinawe. Mewẽ pexe ẽ ikiwiyaitu mia ede inaba ewẽ tae rawe chukanu. Daatu awẽ weuwu tusuwaidu ewẽ tae rawe bechanawaa. Awẽ wuũ ewẽ tae rawe betuwada.