Génesis 23:10 - Yura porciones de la biblia

¹⁰ Hitita Efrón atuwe tsauxu pexe ichapadu kaĩti aduxu Abrahampa kebadi. Awẽ kaiwuwawe dikaiwudu naskatari na yurawawe wuwawuwaĩkakĩ pexe ichapa kaĩti aduxu nawaweri dikadiwu.

Génesis 23:10 ပူးပေါင်းရင်းမြစ်များ

Génesis 23:18

Hititawawe uĩyaiwudu Abrahamweta Efrónpa shinadiwu yurawaweri uĩyaiwudu pexe ichapa kaĩti aduxu.

Génesis 23:9

Ea bawa kidi inanu peiuxũ. Naatiiwi pei putaxu ẽ winu awẽ ade Macpelá. Naskaxu ẽ iwu inu naskake ewẽ kaiwuu nadu baipakexanuwu”, Abraham idi.

Génesis 24:10

Naskata awẽ yudubistu na awẽ awara sharawu wita diez camellowuri nawuya kadi pexe ichapa Nahor bai Aram Naharayin adu.

Génesis 34:20

Pexe ichapa awẽ ade Siquem awẽ kaĩti adu wudiwu. Hamor awẽ apa Siquemwe diaiwu wetsawuwe tsaiki wukadi wudiwu:

Génesis 34:24

Naskata dukuwedewawe naduri shinadiwu Siquemweta Hamorpa atu yuiyaitu. Naskaxu atũ wushki wichi xatediwu.