Génesis 17:16 - Yura porciones de la biblia

¹⁶ Sarauxũ wake wisti ẽ bia inaxiwi. Naa ẽ awara shara inanupukui. Bai wetsa ari ikawu atũ diaiwunu kaiwuunuax ichapanawã kaĩpakedakawu atũ awa ipaxanu”, Epa Diospa Abraham wadi.

Génesis 17:16 ပူးပေါင်းရင်းမြစ်များ

Génesis 1:28

Epa Dios tsai shara iskara atu yuidi: “Ichapakexakawe. Ede mera ikawu shimawawe atũ iwu peiyawawe atũ iwuri na dai mera yuyatiruwuri yuinawawe iwuri bai adu xaratiruwuri nawuwawe iwu mi ipadaka.

Génesis 12:2

Mewẽ kaiwuu uduax ichapanawã kaĩpakedakawuweta. Ẽ aaxiwi mewẽ kaiwu ichapanawã inupukukadi. Ẽ bia sharawaaxiwi miuxũ wetsawu atu sharawata. Naatiiwixu bia tapixikadi mi tsuamaiki.

Génesis 15:4

Epa Diospa kebadi: “Mewẽ awarawu wiixiwai na mewẽ wakekui iixiwi. Ana mewẽ uibati iixiwiba”, wadi.

Génesis 17:15

Naskatari Diospa awiana Abraham yuidi: “Datiã mewẽ awĩni awẽ ade Sarai ikiba. Awẽ ade Sara iki.

Génesis 17:19

Naskaitu Epa Diospa Abraham kebadi: “Mewẽ awĩ Saraweta mi wake wisti ma awaidaka. Ma kaĩyadu adekĩ Isaac”, ma waaxiwi. “Dukuraweta na nu shinakuiyai awẽ kaiwuunuax ichapanawã kaĩpakedakawu ẽ naskari wapadaka.

Génesis 17:6

Mewẽ kaiwuunuax ichapanawã kaĩpakedakawu ichapakui inuwu ẽ anupukui. Naskatari mi uduax diaiwuu kaĩkata bai wetsa ikawu ichapa kainupukukadi.

Génesis 21:1

Na Diospa Sara yuidi keskadi.

Génesis 24:60

Rebeca kayuabadu awẽ kaiwuwawe shinayana tsai sharapa awẽ kaiwuwawe yuidiwu: “Mewẽ kaiwuunuax ichapanawã kaĩpakedakawu. Nawuwawe atu rare akata uibati wapadakawu”, wadiwu.

Génesis 25:23

Naskaiwawe Diospa awa kebadi: “Mewẽ xakĩ meraduax bai xuku rawe aduax yurawu beenakadi kaĩyukadaxba. Wetsa bitsisipakui iixiwi. Wetsa bitsisipawiax askara iixiwiba. Chipuketu na iyua uibati keskara waaxiwi. Naa rawe chipu paxkanaxikadi”, wadi.

Génesis 35:11

Chipu Diospa yuidi: “Ẽ Dios bitsisipa. Wake ichapa mewẽ kaiwuunuax ichapanawã kaĩpakedakawu. Mi uduax yura xuku wetsa ipaxanuwu. Naskatari mewẽ kaiwuu uduax ichapanawã kaĩpakedakawu ichapa diaiwu ipadakawu.

Génesis 36:31

Israeliwu diaiwu datukuiya iyuwawubadu. Nawu atũ diaiwuu Edom adua ipaudiwu.