Génesis 16:2 - Yura porciones de la biblia

² Naskata Saraipa awẽ wede Abram yuidi: “Epa Dios ea wakeya wababisba. Naskake ewẽ uibati Agar awe iwe. Ipaixuba na uduax nu wakeyatiruki”, wadi. Na Saraipa yuiya Abrampa dikadi.

Génesis 16:2 ပူးပေါင်းရင်းမြစ်များ

Génesis 11:30

Sarai wake dadetiruba wake abisba idi.

Génesis 17:16

Sarauxũ wake wisti ẽ bia inaxiwi. Naa ẽ awara shara inanupukui. Bai wetsa ari ikawu atũ diaiwunu kaiwuunuax ichapanawã kaĩpakedakawu atũ awa ipaxanu”, Epa Diospa Abraham wadi.

Génesis 18:10

Dukuwede wetsã Abraham yuidi: “Ma wari wisti ikadu ẽ bia uĩyuxiwi mewẽ awĩ Sarapa ma wake akadu”, dukuwene wadi. Yuina wichi tapas kaĩti aduxu atu kachiuxuri Sarapa dikadi.

Génesis 19:31

Peda wetsa Lotpa awẽ wake daetawa iyuatu awẽ chiku yuidi: “Nuku epa adiwu. Da bai adu dukuwedeba nu awe wianapana na awĩwu itiruwu keskai.

Génesis 20:18

Naskake Sarauxũ Epa Diospa atu wakeya wabatiruba idi Abimélecpa pexe aduxu.

Génesis 25:21

Rebecapa wake atiruba idi. Naskake Isaacpa Epa Dios kiwĩdi wake apaikĩ. Kiwĩyaitu dikaxu Isaac Diospa axudi. Rebecapa wake dadedi.

Génesis 3:12

Adánpa kebadi: “Na awĩwu ewe rawebis inu mia inaita naatu ea wibi ina ẽ pia”, wadi.

Génesis 3:17

Naskata Epa Diospa dukuwede yuidi: “Ewẽ tsai mi dikataba mewẽ awĩni tsai mi dikana. Mi iwi awẽ wibi pia ‘Piyabawe’, ẽ bia wawiake. Miriwi ubiskuipakedaka. Miuxũ ẽ bai chakanawai. Mi ichapa yudupakedaka piixikĩ”, Diospa wadi.

Génesis 30:22

Epa Dios Raquel ubisbadi kiwĩyaitu wake apaikĩ. Naskadu wake adi.

Génesis 30:6

Naskata Raquelpa wake yuikĩ iskawadi: “Da wake awẽ ade Dan. Ẽ kiwĩyaitu Diospa kexesharakuia ea wake ina”, idi.