Génesis 13:15 - Yura porciones de la biblia

¹⁵ Da baiwu ẽ bia inai mewena ipaxanu na mewẽ kaiwuu uduax ichapanawã kaĩpakedakawunari.

Génesis 13:15 ပူးပေါင်းရင်းမြစ်များ

Génesis 12:7

Canaán adu ikawawe naduxu atu yabawapaudiwu. Naduax Dios Abramki dukudi: “Mewẽ kaiwuu uduax ichapanawã kaĩpakedakawu da bai ẽ atu inaxiwi”, wadi.

Génesis 13:17

Kaxu uĩyakewe na bai awẽ chaidipa awẽ peta. Ẽ na bia inaiki”, Epa Diospa wadi.

Génesis 15:18

Naa pedata Diosweta Abrampa shinadiwu. Naskata Diospa yuidi: “Da bai ẽ mewẽ wedawu inai enewa Egipto adu xateta ede Éufrates adu atuna inu.

Génesis 15:7

Diospa yuidi: “Ẽ mewẽ Diaiwu Dios. Ẽ bia kaĩbadi Ur caldeowu meradua bia da bai inaxikĩ”, wadi.

Génesis 18:18

Abraham uduax awẽ kaiwuunuax ichapanawã kaĩpakedakawu bitsisipa ipadakawu. Naskatari na baitiixu ikawu nauxũ ẽ atu sharawanupukui.

Génesis 24:7

Ewẽ epã pexe aduxu Epa Dios dai mera ikatu ea yuidi dudu ẽ unu. Da bai ewẽ kaiwuu ichapanawã kaĩpakedakawu inanupukui. Naskatari mi kayuabadu awẽ ángel biki rewu nichi ewẽ wake awẽ awĩ mi ewexunu.

Génesis 28:13

Bipiti amanauri Diaiwu Dios dia idi. Naduxu yuidi: “Mewẽ xuta Abraham mewẽ epa Isaac ẽ atũ Dios. Da bai mi uxadu ẽ bia inaxiwi na mewẽ kaiwuu uduax ichapanawã kaĩpakedakawuri.

Génesis 28:14

Mewẽ kaiwuu uduax ichapanawã kaĩpakedakawu ichapakui ipadakawu na bishpu keskara tsuã tanatiruba. Nawu paxkanakadi na wari ubis ari ita wari kabiskiri na baitiixu adu iixikadi. Miuxũ yura baitiixu ikawu ẽ atu sharawaaxiwi mewẽ kaiwuunuax ichapanawã kaĩpakedakawuxuriwi.

Génesis 28:4

Epa Diospa bia sharawata mewẽ kaiwuu uduax ichapanawã kaĩpakedakawu na Abraham sharawadi keskawakĩ. Iskaratiã da bai batunaba chipu batuna inupukui na Abraham Diospa inadi keskawakĩ”, Isaacpa Jacob wadi.

Génesis 35:12

Na bai ẽ Abraham inadi naskatari ẽ Isaac inadi naa bai ẽ bia inai. Mewẽ kaiwuunuax ichapanawã kaĩpakedakawu ẽ bia inanupukui”, Epa Diospa Jacob wadi.

Génesis 48:4

Iskara tsaima ea yuidi: ‘Mi wake ichapaya ita mewẽ kaiwuu uduax ichapanawã kaĩpakedakawuya mi inupukui. Naskatari nawu uduax xuku ichapa wetsa keskarawu. Da bai batunawu ipadaka’.

Génesis 50:24

Peda wetsa Josépa awẽ udiwetsawu atu yuidi: “Ẽ awetiãra ẽ dai. Naskatari da bai aduxu Epa Diospa batu nichinupukui rewu Abraham Isaac Jacob atu yuiyudi adu”, Josépa atu wadi.