Génesis 1:28 - Yura porciones de la biblia

²⁸ Epa Dios tsai shara iskara atu yuidi: “Ichapakexakawe. Ede mera ikawu shimawawe atũ iwu peiyawawe atũ iwuri na dai mera yuyatiruwuri yuinawawe iwuri bai adu xaratiruwuri nawuwawe iwu mi ipadaka.

Génesis 1:28 ပူးပေါင်းရင်းမြစ်များ

Génesis 1:22

Tsai shara iskara atu yuidi: “Ichapakexakawe yuina wetsa keskara edewu mera ikawu. Ewapanawawuriwi ichapa wakewuya ipaxanuwu. Peiyawu wetsa keskarawu inu. Peiyawawe wakewu bai adu ichapakexanuwu”, Diospa wadi.

Génesis 17:16

Sarauxũ wake wisti ẽ bia inaxiwi. Naa ẽ awara shara inanupukui. Bai wetsa ari ikawu atũ diaiwunu kaiwuunuax ichapanawã kaĩpakedakawu atũ awa ipaxanu”, Epa Diospa Abraham wadi.

Génesis 17:20

Ismael uduax mia kiwĩyaitu ẽ bia dika. Naariwi ẽ awara shara inanupukui. Wake ichapaya ita awẽ kaiwuunuax ichapanawã kaĩpakedakawu. Naskatari doce diaiwu bitsisipa bai wetsa ari ikawu atũ apa Ismael inupukui.

Génesis 24:60

Rebeca kayuabadu awẽ kaiwuwawe shinayana tsai sharapa awẽ kaiwuwawe yuidiwu: “Mewẽ kaiwuunuax ichapanawã kaĩpakedakawu. Nawuwawe atu rare akata uibati wapadakawu”, wadiwu.

Génesis 26:24

Isaacki Epa Dios naa yabeta aki dukuta yuidi: “Mewẽ epa Abrahampa ẽ awẽ Dios. Beseyabawe. Ẽ bewe ika. Abrahamuxũ ẽ bia awara shara inaxiwi. Naskatari mewẽ kaiwuu uduax ichapanawã kaĩpakedakawu ichapa idakawu”, Diospa wadi.

Génesis 33:5

Naskata Esaúpa awĩwuya atũ wakewuya uĩkĩ Jacob ñukadi: “Naawu tsuawume”, Esaú ikaitu awẽ uchi Esaú duikuiyana kebadi: “Naawu Diospa mewẽ uibati awẽ wakewu ea ina”, Jacobpa wadi.

Génesis 49:25

Aichu mewẽ epa awẽ Dios naatu bia axunupukui. Dios bitsisipa naatu awara atirutu sharakui bia inanupukui. Dios ikaduxu sharawata bai aduxuri bia sharawata mewẽ wakewu atũ awã wake kãibanupukui atu awẽ xuba abanupukui.

Génesis 5:2

Dukuwedeya awĩwu udiwata Epa Dios atu tsai shara yuidi. Atu udiwata Epa Diospa yuidi: “Atũ ade dukuwede iki”, atu wadi.

Génesis 6:1

Dukuwedewu awĩwuuri ichakaxu wakewu apãdiwu xutukuwake taewadiwu.

Génesis 8:17

Bewe na yuinawu xaxuwã mera ikiyabeawu atu kaĩbawe. Peiyawu yuina idawanabetiruwu na bai adu xaratiruwuri naatiiwi atu kaĩbawe bai aduxu atũ wake ichapa kaĩwanuwu”, Epa Diospa Noé wadi.

Génesis 9:1

Diospa tsai shara Noé yuidi awẽ wakewuya. Tsai iskara atu yuidi: “Wake ichapa akawe baitiixu adu inuwu.

Génesis 9:7

Naskake wake ichapa akawe baitiixu adu inuwu”, Diospa Noé yuidi.