तितस 3:5 - मध्‍य पुरविया थारू

⁵ तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

तितस 3:5 ပူးပေါင်းရင်းမြစ်များ

मतीके लिखल सुसमाचार 3:11

“हम पस्‍चातापके खातिर तोरासबके पानीसे बप्‍तिस्‍मा देबौ, महज हमरसे पाछे जे आबैबला छै, उ हमरोसे सक्‍तिसाली छै, जकर हम जुतो बोकैके जोकर नै चियै। उ तोरासबके पबितर आत्‍मा आ आइगसे बप्‍तिस्‍मा देतौ।

लुका 1:50

ओकर आदर करैबलासबके उपर ओकर किरपा पुस्‍तोतक रहतै।

लुका 1:54

उ अपना किरपा याद कैरके आपन सेबक इजराएलके सहायता करने छै।

लुका 1:72

उ हमर पिता पुरखासबसङे बान्‍हल पबितर करार याद कैरके हमरासबके दया करने छै।

लुका 1:78

परमेस्‍वरके दयालु किरपाके कारन, स्‍वरगसे बिहन्‍का मुक्‍तीके इजोत हमरासबके लग पठाइतै।

रोमी 11:14

हमर करल यि सेबासे आपने यहुदी जातिके लोकसबके डाही बनाइले सकी आ ओइसबमेसे कोइ-कोइ पस्‍चाताप कैरके परमेस्‍वरमे बिस्‍बास करे कैहके हमर आसा छै।

रोमी 11:6

यि त परमेस्‍वरके अनुगरहसे भेल छै, धरम-करमसे नै, नै त परमेस्‍वरके अनुगरह बेरथ हेतियै।

रोमी 12:2

अइ सन्‍सारके लोकसब जखा देखासेखी नै कर महज आपन सोच-बिचार परमेस्‍वरके परिबरतन करैले दहै। तब परमेस्‍वरके असल, मनपरैबला आ सिध इक्‍छा कथी चियै से तुसब जानबिही।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

रोमी 3:28

बेबस्‍था पालन कैरके नै महज खिरिस्‍टमे बिस्‍बास कैरके मातरे परमेस्‍वरके अगा धरमी ठहराबैछै से बात हमसब जानैचियै।

रोमी 4:5

कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

रोमी 9:11

जौवा बच्‍चा जलमैसे पहिने आ उसब असल या खराब काम करैसे पहिने परमेस्‍वर एक गोरा चुनल्‍कै। अनङ परमेस्‍वरके चुनैबला काम ओकर काम-काज देखके नै महज आपन उदेस्‍य अनुसार हैछै से साफ-साफ देखाइछै।

रोमी 9:16

ओहैसे परमेस्‍वर लोकके ओकर इक्‍छा आ बलबुतासे नै बोलाइनेछै महज परमेस्‍वरके किरपामे भर परैछै।

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

एफिसी 2:4

महज परमेस्‍वर जे किरपामे धनिक छै, उ अपनासबके बहौत परेम करल्‍कै आ महान दया देखाइल्‍कै।

एफिसी 4:23

परमेस्‍वर आत्‍मासे तोरासबके सब सोचबिचार आ चालचलन लया हेबे।

एफिसी 5:26

खिरिस्‍ट मन्‍डलीके बचन रुपी पानीसे धोइबके सुध आ पबितर बनाइल्‍कै।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

तितस 3:4

महज जब अपनासबके मुक्‍ती दैबला परमेस्‍वरके दया आ परेम आपनसबमे परकट भेलै,

हिबरु 10:22

उ आपन लहुके छिटकासे अपनासबके हिरदयके सुध करने छै आ सुध पानीसे अपनासबके देहके धुवाइनेछै। ओहैसे अपनासब साँचो हिरदय आ पक्‍का भरोसाके साथ परमेस्‍वरके लग चल।

हिबरु 4:16

अहैलेल अपनासब परमेस्‍वरके अनुगरहके सिंहासनके अगा निडर भ्‍याके चल आ खाचो परलहा समयमे सहायता पाबैके लेल किरपा आ अनुगरह पाबैले सकी।

हिबरु 6:6

लोक भ्‍याके परमेस्‍वरके छोइरके जाइबलासबके पस्‍चाताप करैले लग्‍याके परमेस्‍वर दिसन घुमाइले नै सक्‍तै, कथिलेकी एहैन लोक परमेस्‍वरके बेटाके फेनसे कुरूसमे टाङतै आ सबके अगा खुलम-खुल्‍ला ओकरा अपमान करतै।

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

१ पतरुस 2:10

पहिने त तुसब परमेस्‍वरके जन नै छेल्‍ही, महज अखुन परमेस्‍वरके जन भेलचिही। पहिने तुसब परमेस्‍वरके दया नै पाबनेछेल्‍ही, महज अखुन तुसब परमेस्‍वरके दया पाबनेचिही।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।