तितस 3:11 - मध्‍य पुरविया थारू

¹¹ यि बात तु जान्‍बे करैचिही कि एहेन लोक भरस्‍ट आ पापी हैछै। ओकरासबके आपने पाप ओइसबके दोसी बनाइछै।

तितस 3:11 ပူးပေါင်းရင်းမြစ်များ

लुका 19:22

तब उ रजा ओइ नोकरके कहल्‍कै, ‘ऐ ठक नोकर! आब हम तोरे मुहके बातसे हम तोहर इन्‍साफ करबौ। जे नै देनेचियौ से माङबौ आ जे नै रोपने चियै ओकरे काटैबला हम कठोर मनके लोक चियै से बात तु सोच्‍ने छेल्‍ही।

लुका 7:30

महज फरिसीसब आ धरमगुरुसब युहन्‍नासे बप्‍तिस्‍मा नै लैके कारन उसब परमेस्‍वरके योजनाके इन्‍कार करल्‍कै।

युहन्‍ना 3:18

ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

परेरित 13:46

तब पावल आ बरनाबास साहस कैरके कहल्‍कै, “परमेस्‍वरके बचन सबसे पैहने तोरासबके सुनेनाइ जरुरी छेलै, महज तोरौरके सुनैले नै मानलिही। तोरौरके आपनके अनन्‍त जिबनके योगके नै मानैचिही। आब हमसब दोसर जातीके लोकसबके परमेस्‍वरके बचन सुनाबे जेबै।

परेरित 15:24

हमसब सुन्‍नेचियै कि, हमरासबके बिचसे कोइ-कोइ अहाँसब लग जाके हमरासबके आदेसे बेगर अहाँसबके मनमे तकलिफ कैरके कतहेक बातसे दुख देने छै।

परेरित 23:25

अतबे कैहके बडा-हाकिमके लेल एकटा एहेन पतर लिखल्‍कै,

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

तितस 1:11

ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

तितस 1:14

उसब यहुदीसबके बनोतरी बात-कथा नै सुनौक आ जे लोकसब सतके इन्‍कार करैछै, ओइसबके आग्‍या मान्‍बे नै करौक।

हिबरु 10:26

यदि सतके ग्‍यान पाबियोके हमसब जाइन बुइझके पाप कैरते रहबै त, अपनासबके करल पापके लेल आब कोनो बलिदान बाकी नै छै।