तितस 2:5 - मध्‍य पुरविया थारू

⁵ तब उसब आपने आपके बसमे राखैबला, सतबरती, दयालु आ आपन घरबलाके अधिनमे रैहके घर परिबारके सब बेबहार चलाइतै जैके कारनसे कोइयो नै परमेस्‍वरके बचनके बदनाम करे सक्‍तै।

तितस 2:5 ပူးပေါင်းရင်းမြစ်များ

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

परेरित 9:39

तब पतरुस उइठके ओइसबसङे गेलै। ओते पहुचलाके बाद उसब ओकरा उपरका कोठलीमे ल्‍यागेलै। बिधवासब ओकर लगमे ठार भ्‍याके काने लाग्‍लै आ डोरकसमे ओइसबसङे रहैत बखत बन्‍याल कुरता आ औरो बस्‍तरसब देखेल्‍कै।

रोमी 14:16

तैखातिर असल काम कैरके खराब कहैले दोसरके मौका नै दहै।

रोमी 2:24

पबितर धरमसास्‍तरमे अनङ लिखल छै, “तु यहुदीसबके कारनसे गैर-यहुदीसब परमेस्‍वरके अनादर करैछै।”

१ कोरन्‍थी 11:3

महज तोरासबके यि बात थाह हेबे कि खिरिस्‍ट हरेक मानबके सिर चियै। तहिनङे घरबला आपन घरबालीके सिर चियै आ परमेस्‍वर खिरिस्‍टके सिर चियै।

१ कोरन्‍थी 14:34

जनिसब मन्‍डलीके सभामे चुप रहैके चाही। ओइसबके बाजैके अनुमति नै छै, महज बेबस्‍थामे कहल जखा उसब अधिनमे रहे।

एफिसी 5:33

चाहे जे हेबे, तुसब आपन-आपन घरबालीसबके आपने जखा परेम करे परतौ आ घरबालीयोसब आपन-आपन घरबलाके आदर करे परतौ।

कलस्‍सी 3:18

हे घरबालीसब, तुसब परभुके नजरमे मनपरैबला ढङसे आपन-आपन घरबलासबके अधिनमे रह।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

१ तिमोथी 6:1

मालिकके अधिनमे रहैबला सब दास आपन मालिकके पुरा आदर करैले परतै, ताकि कोइ नै परमेस्‍वरके नाम आ अपनासबके देल सिक्‍छाके बदनाम करे सक्‍तै।

तितस 2:4

यि सब करलासे उसब जबान बेटी-पुतौहसबके आपन-आपन घरबला आ बेटा-बेटीके परेम करैके लेल सिखाबैले सक्‍तै।