तितस 2:14 - मध्‍य पुरविया थारू

¹⁴ येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

तितस 2:14 ပူးပေါင်းရင်းမြစ်များ

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मतीके लिखल सुसमाचार 3:12

फटकैबला सुपा ओकरे हाथमे छौ आ उ आपन खरहियानके आपने साफ करतौ। आपन गहुम बखारीमे जम्‍मा करतौ, महज भुसा जतेक सब नै बुताइबला आइगमे जराइतै।”

युहन्‍ना 10:15

जहिनङ पिता हमरा चिन्‍हैछै आ हम पिताके चिन्‍हैचियै, तहिनङ हम आपन भेंरासबके चिन्‍हैचियै आ भेंरासब हमरा चिन्‍हैछै। हम भेरासबके लेल आपन परानो दैचियै।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

परेरित 15:14

परमेस्‍वर कनङके गैर-यहुदीके दया कैरके ओकरासबके आपन लोक बनाइल्‍कै, से बात सिमोन अखुन्‍ते कहलक,

परेरित 15:9

परमेस्‍वर ओकरासबमे आ अपनासबमे कोनो भेदभाव नै करल्‍कै, महज ओइसबके मन सुध करल्‍कै कथिलेत उसब परभुमे बिस्‍बास करल्‍कै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 9:36

योप्‍पा सहरमे एकटा तबिता नामके जनी बिस्‍बासी रहै, जकरा गिरिक भसामे “डोरकस” कहैछेलै। (जकर मतलब हरिनी चियै।) उ असल काम आ गरिबसबके दान द्‍याके हरदम सहयोग करैछेलै।

गलाती 1:4

येसु खिरिस्‍ट अपनासबके अइ दुस्‍ट सन्‍सारसे बचाइके लेल परमेस्‍वर आ पिताके इक्‍छा मुताबिक पापके खातिर बली भेलै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

१ तिमोथी 2:10

बरु असल कामसे सुसोभित हेबे, जे परमेस्‍वरके भक्‍ति करैबला जनिसबके सोहाबैछै।

१ तिमोथी 2:6

उ सबलोकके छुटकाराके मोल तिरैके लेल अपने-आप बलिदान भेलै। अइ बातके साक्‍छी परमेस्‍वर ठिक समयमे देल्‍कै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 10:24

अपनासब एक-दोसरके परेम आ असल कामके लेल कनङके उत्‍साह दैले सक्‍बै ओइ बातमे धियान दैले परतौ।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

याकुब 4:8

तुसब परमेस्‍वरके लगमे या तब परमेस्‍वरो तोरासबके लगमे एतौ। हे पापीसब, तोरौरके हाथ सुध कर, हे दोमनके लोकसब, आपन हिरदय सुध कर।

१ पतरुस 1:18

तुसब जानैचिही कि परमेस्‍वर तोरासबके पिता-पुरखासे चलैत एल बेरथके चालचलनसे दाम तिरके तोरासबके छुटकरा देल्‍कौ। उ दाम सोना या चानी जखा नास हैबला चिज नै चियै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

१ युहन्‍ना 1:9

यदि अपनासब आपन पाप परमेस्‍वरके अगा सुइकार करबिही त, उ अपनासबके पाप छमा करतौ आ सब अधरमसे सुध करतौ कथिलेत उ बिस्‍बासयोग्‍य आ धरमी छै।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।