तितस 1:11 - मध्‍य पुरविया थारू

¹¹ ओकरासबके मुहमे जाबी लगाइए परतै कथिलेत उसब पैसा-कौरी कमाबै खातिर झुठ सिक्‍छा सिख्‍याके सब घर परिबारमे उधपात मचाइने छै।

तितस 1:11 ပူးပေါင်းရင်းမြစ်များ

मतीके लिखल सुसमाचार 23:13

“तोहे धरमगुरुसबके आ फरिसीसबके धिक्‍कार! तुसब कपटी चिही! कथिलेत तुसब स्‍वरगके राजके केबार खोलैबला कुजी त लेल्‍ही, महज नै अपने ढुकलिही नै दोसरके ढुकैले देल्‍ही।

लुका 20:40

तकरबाद फेनो ओकरा औरो बात पुछैले ककरो हिम्‍मत नै भेलै।

युहन्‍ना 10:12

महज जे बनिहार चियै आ नै चरबाह चियै आ नै ओकर भेंरासब चियै। उ नरहिया आबैत देखके भेरासबके छोइरके भाइग जाइछै आ नरहिया आइबके भेराके धरैछै आ तितर-बितर कैरदैछै।

रोमी 3:19

बेबस्‍थाके बात त बेबस्‍थाके अधिनमे रहैबला लोकसबके लेल चियै कैहके हमरासबके थाहछै। ओहैसे परमेस्‍वर सन्‍सारके नियाय करैतखिना हम पाप नै करनेचियै कैहके बहाना बनाबे नै सक्‍तै।

२ कोरन्‍थी 11:10

खिरिस्‍टके सत बात हमरमे रहैतक अखैया परदेसके कोइ नै हमर यि घमन्‍ड करैबला बातसबसे रोकैले सक्‍तै।

१ तिमोथी 5:13

उसब अङने-अङने चलैबला आदत पैरके कोरनी आ चुगली लगाइबाली हैछै। ओतबे नै उसब नै बाजैबला बातसब बतियाइछै आ दोसरके काममे टाङ अराबैबाली हैछै।

१ तिमोथी 5:4

महज जै मसोमातनीके बेटा-बेटी कि नाती-नातिन छै, सबसे पहिने उसब मसोमातनीके देखभाल करे। उसब घरेमे भक्‍ति-भाव करैले सिखे आ आपन माँ-बाबुके उपकारके करजा सदहावे, कथिलेकी अनङ करलासे परमेस्‍वर खुसी हैछै।

१ तिमोथी 6:5

एहेन लोकसबके बिचमे सबदिन झगरा हैछै। ओइसबके मति भरस्‍ट भेल रहैछै। उसब सत बातसबसे दुर भेल रहैछै आ परमेस्‍वरके भक्‍ति करैबला काम धनिक हैकेलेल चियै कैहके बिचार करैछै।

२ तिमोथी 2:18

उसब सच बातसे दुर भटकल घुरैछै। लोकसब मैरके जि उठैबला काम पैहने भ्‍यागेल्‍छै, कैहके कतहेक लोकके बिस्‍बासके बिगाइर देने छै।

२ तिमोथी 3:6

कथिलेत तोरासबमेसे कोइ-कोइ घर-घरमे ढुइकके पापे-पापसे दाबल आ अधलाह इक्‍छासबसे भरल मुरुख जनिजाइतसबके आपन बसमे राखैछै।

तितस 1:7

मन्‍डलीके बिसपसब परमेस्‍वरके कामके रेखदेख करैबला भेलाके कारन निरदोस रहे परतै। उ लोक जिदी, झटसे खिसियाइबला, मतबाली, लराइ-झगरा करैबला आ धनके लोभ करैबला नै हैकेचाही।

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

तितस 3:10

मन्‍डलीमे फुट आनैबलाके एक दुइ बेर चेता, यदी उ नै मानैछौ त ओकरसङे कोनो समबन्‍ध नै राख।