तितस 1:1 - मध्‍य पुरविया थारू

¹ हम पावल परमेस्‍वरके सेबक आ येसु खिरिस्‍टके परेरित यि चिठी लिखरहलचियै। परमेस्‍वरके चुनल लोकसबके बिस्‍बासमे बलगर बनाइले आ ओइसबके सतके ग्‍यान दैले परमेस्‍वर हमरा पठेल्‍कै। उ ग्‍यान परमेस्‍वरके इक्‍छा अनुसार जिबन जियैले सहायता करैछै।

तितस 1:1 ပူးပေါင်းရင်းမြစ်များ

लुका 18:7

कि परमेस्‍वरके आपन जनसब रात-दिन ओकरा पुकारतै त ओइसबके नियाइ नै करतै? कि उ आपन लोकसबके सहायता करैले देर करतै त?

परेरित 13:48

जब गैर-यहुदीसब यि बात सुनल्‍कै, तब उसब खुसी भेलै आ परमेस्‍वरके बचनके गुनगान करल्‍कै आ अनन्‍त जिबनके खातिर नियुक्‍त भेल्‍हा सबलोक बिस्‍बास करल्‍कै।

रोमी 1:1

हम पावल, येसु खिरिस्‍टके दास, यि चिठी लिखैचियौ। परमेस्‍वर हमरा परेरित हैले बोलाइल्‍कै आ ओकर सुसमाचार परचार करैले अलग करने छै।

२ कोरन्‍थी 1:1

हम पावल, परमेस्‍वरके इक्‍छासे खिरिस्‍ट येसुके परेरित हैकेलेल बोल्‍याल आ अपनासबके भाइ तिमोथीसे सेहो, कोरिन्‍थ सहरमे रहल परमेस्‍वरके मन्‍डलीके आ अखैया परदेसके चारुदिसन रहैबला खिरिस्‍टके पबितर जनसबके यि चिठी लिखैचियौ।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

१ तिमोथी 2:4

सबलोक मुक्‍ती पाबे आ उसब सत बात बुझे कैहके ओकर इक्‍छाछै।

१ तिमोथी 3:16

परमेस्‍वरके परकट करल सत्‍यके सन्‍देस अचमके चियै आ अकरा कोइ नै इन्‍कार करे सक्‍तै। खिरिस्‍ट मानब बैनके परगट भेलै आ पबितर आत्‍मासे धरमी ठहरल गेलै। स्‍वरगदुतसब ओकरा देखल्‍कै आ जाती-जातीके बिचमे ओकर बारेमे परचार भेलै। सन्‍सारमे लोकसब ओकरा बिस्‍बास करल्‍कै आ उ महिमाके सङे स्‍वरगमे उठ्‍यालगेलै।

१ तिमोथी 6:3

यदी कोइ झुठ सिदान्‍त सिखाबैछै आ आपन परभु येसु खिरिस्‍टके देल साँचो सिक्‍छा आ परमेस्‍वरके भक्‍ति हैबला सिक्‍छामे सहमत नै हेतै त,

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

२ तिमोथी 2:23

महज मुरुख आ बेकारके तरक-बितरकसे दुरे रह, कथिलेत तोरा थाह छौ कि, एहेन बातसे लराइ-झगरा उतपन हैछै।

२ तिमोथी 2:25

उ आपन बिरोधीसबके लरम भ्‍याके सुधारैबला हैकेचाही। भ्‍यासकैछै परमेस्‍वर बिरोधीसबके मन बदैल देतै आ उसब सतके चिन्‍हे सक्‍तै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

२ पतरुस 1:3

आपन महिमा आ भलाइसे अपनासबके बोलाइबलाके हमसब जानैके कारन परमेस्‍वरके इस्‍वरीय सक्‍तिसे जिबन आ भक्‍तीके लेल अपनासबके आवसेक परल सब चिज परमेस्‍वर देनेछै।

२ पतरुस 3:11

यि सब चिज अनङ नास हेबे लागलछै त, तुसब केहेन लोक हैकेचाही? तोरासबके जिबन पबितर आ परमेस्‍वरमे समरपित हेबे परतौ।

१ युहन्‍ना 2:23

जे बेटाके इन्‍कार करैछै ओकरसङे पिता नै रहैछै महज जे बेटाके सुइकार करैछै ओकरसङे पितो रहैछै।

परकास 1:1

यि किताबमे भेल बातसब येसु खिरिस्‍ट परकट करने छै। परमेस्‍वर आपन सेबकसबके जल्‍दीए हैबला घटनासबके बारेमे बुझैले सके कैहके येसुके परकट करल्‍कै। येसु खिरिस्‍ट यि बात कहैके लेल एकटा स्‍वरगदुतके पठाके आपन सेबक युहन्‍नाके परकट करल्‍कै।