रोमी 9:32 - मध्‍य पुरविया थारू

³² कथिले नै सक्‍लै? कथिलेत इजराएलीसब बिस्‍बास नै कैरके धरम-करमसे मातरे परमेस्‍वरके नजरमे धरमी ठहरैले ताकल्‍कै। तैल्‍याके बिस्‍बास नै करैबला आ धरम-करम मातरे करैबलाके लेल येसु खिरिस्‍ट ठेस लागैबला पथल भेलै।

रोमी 9:32 ပူးပေါင်းရင်းမြစ်များ

मतीके लिखल सुसमाचार 13:57

ऐहेन कहैत लोकसब येसुके इन्‍कार करल्‍कै। तब येसु ओइसबके कहल्‍कै, “अगमबक्‍ताके सब दिसन आदर हैछै महज आपन कर-कुटुमबसबके बिचमे आ आपन घरमे आदर नै हैछै।”

लुका 2:34

सिमियोन ओकरासबके आसिरबाद देल्‍कै आ ओकर माँ मरियमके कहल्‍कै, “देख, यि बालक इजराएलमे बहुतोके पतन आ उत्‍थानके लेल आ बहुत के बिरोधमे बोलैके एकटा चेन्‍हाके लेल नियुक्‍त करनेचियै।

लुका 7:23

उ धैनके छै जे हमर उपर सङका नै करैछै।”

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

रोमी 11:11

तैल्‍याके हम तोरासबके पुछैचियौ, “कि इजराएलीसब ठेस लाइगके फेनसे उठैले नै सकैबला भेलछै से?” नै! उसब बिस्‍बास नै करलासे गैर-यहुदीसब मुक्‍ती पाबल्‍कै। यि देखके इजराएलीसब डाह करे कैहके परमेस्‍वरके इक्‍छा छेलै।

रोमी 4:16

ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

१ कोरन्‍थी 1:23

महज हमसब त कुरूसमे टाङल खिरिस्‍टेके परचार करैचियै, जे यहुदी लोकसबके लेल ठेस लागैबला बात चियै आ गैर-यहुदीसबके लेल मुरुख बात चियै।

१ पतरुस 2:6

कथिलेकी पबितर धरमसास्‍तरमे लिखल छै, “देख! सियोनमे हम चुनल एकटा बहौत मोलके कोनाके पथल राखैचियौ। ओकरमे बिस्‍बास करैबला कहियो नै लाजमे परतै।”

१ पतरुस 2:8

पबितर धरमसास्‍तर कहैछै, “एह्‍या पथल चियै जैमे लोकसबके ठेस लागैछै। एह्‍या चट्‍टान चियै जैमे लोकसब खसैछै।” कथिलेकी परमेस्‍वरके बचनमे बिस्‍बास नै करैबला ठेस लाग्‍तै कैहके तोकल छेलै।