रोमी 9:30 - मध्‍य पुरविया थारू

³⁰ हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

रोमी 9:30 ပူးပေါင်းရင်းမြစ်များ

रोमी 10:10

कथिलेत लोक आपन हिरदयसे बिस्‍बास कैरके परमेस्‍वरके अगा धरमी ठहरैछै आ बिस्‍बास करल बात आपन मुहसे सुइकार कैरके उधार पाबैछै।

रोमी 10:20

तब यसैया अगमबक्‍ता साहसके साथ परमेस्‍वरके बचन कहल्‍कै, “जे हमरा खोज्‍बे नै करल्‍कै, उसब हमरा भेटाइल्‍कै, जे हमर बारेमे पुछबे नै करल्‍कै, ओइसबके अगा हम आपने परगट भेलियै।”

रोमी 10:6

महज बिस्‍बास दुवारा परमेस्‍वरके अगा धरमी ठहरैबलाके बारेमे पबितर धरमसास्‍तर एहेन कहैछै, “मन-मने एहैन नै कह, खिरिस्‍टके अपनासब लग निचा लाबैले उपर स्‍वरग के जेतै?”

रोमी 3:5

महज कतहेक लोकसबके बिचारमे, हम यहुदीसबके करल पापसे परमेस्‍वर औरो बेसी धरमी देखाइछै त हम कथि करबै? कि लोकसबके दन्‍ड देनाइ परमेस्‍वरके गल्‍ती छेलै त?

रोमी 4:11

ओकर खतना बिस्‍बास दुवारा धरमी ठहरल चेन्‍हा चियै। अहिनङ कैरके उ खतना नै करल महज परमेस्‍वरमे बिस्‍बास कैरके धरमी ठहरैबला लोकसबके आत्‍मिक पुरखा भेलै।

रोमी 4:13

अबराहम बेबस्‍था पालन करलाके कारनसे नै महज परमेस्‍वरमे करल बिस्‍बास दुवारा धरमी ठहरलाके चल्‍ते परमेस्‍वर ओकरा आ ओकर बेटा-बेटीसबके सन्‍सारके हकबला बनाबैके परतिग्‍या करल्‍कै।

रोमी 4:22

तब उ अहै बिस्‍बासके कारनसे “परमेस्‍वर ओकरा धरमी ठहरेल्‍कै”।

रोमी 4:9

दाउदके कहल यि आसिस खतना भेल यहुदी लोकसबके लेल मातरे चियै कि खतना नै भेल गैर-यहुदी लोकसबके लेल सेहो चियै? पबितर धरमसास्‍तर अनुसार अपनासब कहलियै कि, “अबराहम त परमेस्‍वरमे बिस्‍बास करल्‍कै आ ओकर वह्‍या बिस्‍बाससे परमेस्‍वर ओकरा धरमी ठहरेल्‍कै।”

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 9:14

परमेस्‍वरके करल कामसबके बिसयमे अपनासब कथि कहबै त? कि परमेस्‍वर अनियायी छै? बिलकुल नै!

रोमी 9:31

महज इजराएलीसब बेबस्‍था पालन कैरके परमेस्‍वरके नजरमे धरमी ठहरैले बहुत कोसिस करल्‍कै तैयो धरमी ठहरैले नै सक्‍लै।

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

गलाती 3:24

तैल्‍याके बिस्‍बाससे हमसब धरमी ठहरैले सकि कैहके खिरिस्‍ट आबैसे पहिने बेबस्‍था अपनासबके खिरिस्‍टतक पुगाइबला गारजन भेलै।

गलाती 3:8

परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

गलाती 5:5

महज हमसब खिरिस्‍टमे बिस्‍बास करलासे पबितर आत्‍मा अपनासबके परमेस्‍वरके अगा धरमी ठहरैबला आसाके बाट ताकैले लगाइतौ।

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

१ तिमोथी 6:11

महज तु परमेस्‍वरके जन भेलाके कारन यि बातसबसे दुरे रहिहे। तु परमेस्‍वरके निक लागैबला धारमिक जिबन जिहे आ बिस्‍बास योग्‍य, परेम, धिरज आ नमरतामे आपन मन लगा।

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

१ पतरुस 4:3

तुसब बितलहा दिनसबमे गैर-यहुदी जखा निरलज बेबहार करनाइ, बेबिचारमे लिन, खराब अभिलासामे लगनाइ, पिके मातल, मोज-मज्‍जा करैबला आ घिरनित मुरतिपुजामे परसस्‍त समय बिताइलिही।