रोमी 8:5 - मध्‍य पुरविया थारू

⁵ आपन पाप स्‍वभाबके अधिनमे चलैबला लोक पापे स्‍वभाबके इक्‍छामे मन लगाइछै महज पबितर आत्‍मा अनुसार चलैबला लोक पबितर आत्‍माके इक्‍छामे मन लगाबैछै।

रोमी 8:5 ပူးပေါင်းရင်းမြစ်များ

मरकुस 8:33

महज येसु चेलासब दिसन घुइमके ताकैत पतरुसके फटकारल्‍कै, “ए सैतान, हमरसे दुर चैल जो, कथिलेत तोहर मन परमेस्‍वर दिसन नै महज लोकसबके खराब स्‍वभाब जखा छौ।”

युहन्‍ना 3:6

लोक त खाली देहमे जलम दैछै महज पबितर आत्‍मा आत्‍मिक जलम दैछै।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

१ कोरन्‍थी 15:48

पिरथिबीके लोकसब माटीसे बनल पहिल्‍का लोक जखा हैछै। तहिनङे स्‍वरगके लोकसब स्‍वरगसे एल लोक जखा हैछै।

१ कोरन्‍थी 2:14

जै लोकमे परमेस्‍वरके आत्‍मा नै छै, उ लोक परमेस्‍वरके आत्‍माके बातसबके गरहन नै करैछै। कथिलेत एहैन बातसब ओकरलेल मुरुख बात हैछै। एहैन बात त परमेस्‍वरके आत्‍मासे मातरे बुझैले सकैछै।

२ कोरन्‍थी 10:3

कथिलेत हमसब सन्‍सारमे चियै तैयो सन्‍सारके लोकसब जखा हमसब आपन सतरुसबसङे लराइ-झगरा नै करैचियै।

गलाती 5:17

कथिलेत पापी स्‍वभाबके ललसा पबितर आत्‍माके आ पबितर आत्‍माके ललसा पापी स्‍वभाबके बिरोध करैछै। यि दुनु एक दोसरके दुस्‍मन चियै आ तोरासबके करैले चाहल बात कहियो पुरा हैले नै देतौ।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

२ पतरुस 2:10

खास कैरके, एहेन लोकसब जे असुध करैबला कामबासनामे डुबलरहैछै आ परमेस्‍वरके अधिकारके अपहेलना करैछै। ओहेन झुठा गुरुसब ढिठ आ घमन्‍डी हैछै आ स्‍वरगिय परानिसबके निन्‍दा करैले नै डराइछै।