रोमी 8:39 - मध्‍य पुरविया थारू

³⁹ नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

रोमी 8:39 ပူးပေါင်းရင်းမြစ်များ

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

युहन्‍ना 16:27

पिता आपनेसे तोरासबके परेम करैछौ, कथिलेत त तुसब हमरा परेम करनेचिही आ हम परमेस्‍वर लगसे एलचियै से तुसब बिस्‍बास करनेचिही।

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

रोमी 11:33

आहा! परमेस्‍वरके धन, ग्‍यान आ बुधि कतहेक महान छै! ओकर निरनय करल बातके बखान कोइ नै करैले सकैछै। ओकर काम करैबला तरिका कोइ नै बुझैले सकैछै।

रोमी 5:8

महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:35

कोन बातसे अपनासबके खिरिस्‍टके परेमसे अलग करैले सक्‍तै? अपनासबके दुख, कठिनाइ, सताबट, नाङट आ भुखल रहैबला अबस्‍था आबैले सक्‍तै। अपनासब कोनो भारी बिपतमे या मरैयोले सक्‍बै महज यि कोनो चिजसे अपनासबके खिरिस्‍टके परेमसे अलग करैले नै सक्‍तै।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 2:11

ताकी सैतान हमरासबके फसाबैके मौका नै पाबे, कथिलेकी ओकर जुक्‍तीके बिसयमे हमसब अनजान नै चियै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

फिलिप्‍पी 3:12

हम लक्‍छमे पहिनेसे पुइग गेल चियै, या हम पहिनेसे सिध भेलचियै कैहके नै कहैचियौ, महज यिसब पकरैके लेल अगा बैढरहल चियै, जै बातके लेल खिरिस्‍ट हमरा चुनल्‍कै।

फिलिप्‍पी 3:3

सत हिसाबसे खतना करैबला त हम्‍हीसब चियै कथिलेत पबितर आत्‍मासे परमेस्‍वरके आराधना करैचियै आ खिरिस्‍ट येसुमे हमसब गर्‌ब करैचियै। हमसब बाहरके कोनो रितिथितीमे भरोसा नै करैचियै।

फिलिप्‍पी 3:8

साँचोके कहबै त, खिरिस्‍ट येसु हमर परभुके चिन्‍हैले पाबैबला अनमोल बातके तुलनामे औरो सब बातके हम बेकार सम्‍झैचियै। खिरिस्‍टके पाबैले सकी कैहके ओकरलेल हम सबबातके नोक्‍सानी भोगने चियै आ सब चिजके मैला सम्‍झैचियै,

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

१ युहन्‍ना 4:16

परमेस्‍वर अपनासबके परेम करैछै कैहके हमसब जानैचियै आ ओकर परेममे पुरा बिस्‍बास छै। परमेस्‍वर परेम चियै। जे परेममे रहैछै उ परमेस्‍वरमे रहैछै आ परमेस्‍वर ओकरमे बास करैछै।

१ युहन्‍ना 4:19

हमसब एक-दोसरके परेम करैचियै कथिलेकी परमेस्‍वर हमरासबके पहनिये परेम करल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 2:24

महज एहेन खराब सिक्‍छामे नै लागल आ सैतानके भितरी रहसके बात नै मानैबला थिआटिरामे भेल औरो लोकके कहैचियौ कि, हम तोरासबके औरो कोनो भारी आग्‍या नै देबौ।

परकास 20:3

आबसे जाती-जातीके लोकसबके नै ठगे कैहके स्‍वरगदुत ओकरा नरकमे फेकदेल्‍कै आ बन कैरके मोहर लग्‍यादेल्‍कै। एक हजार बरिस बितलाकेबाद कुछ देरके लेल खोइलदेतै।

परकास 20:7

जब एक हजार बरिस पुरा हेतै तब सैतानके ओकर कैदसे मुक्‍त कैरदेतै।