रोमी 8:34 - मध्‍य पुरविया थारू

³⁴ तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

रोमी 8:34 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 16:23

ओइ दिन तुसब हमरा कुछो नै पुछबिही। हम साँचोके कहैचियौ, तुसब हमर नाममे पिता सङे जे माङबिही, से उ तोरासबके देतौ।

परेरित 2:24

महज ओकरा परमेस्‍वर मरनके दुखसे छुटकारा द्‍याके जिबित करल्‍कै। कथिलेत ओकरा मिरतुके अधिनमे रहनाइ असम्‍भब छेलै।

रोमी 14:13

ओहैसे अपनासब एक-दोसरके दोस नै लगा। बरु अपनासब आपन भाइके ठेस लागैबला या बाधा दैबला काम कहियो नै करबै कैहके अठोट कर।

रोमी 14:9

ओहैसे येसु खिरिस्‍ट मरलै आ फेर जिबित भेलै ताकी मरलसब आ जिबीतसब दुनुके परभु हेबे।

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:27

परमेस्‍वर सब लोकसबके हिरदयके भेद जानैछै। पबितर आत्‍मा कथि कहैले चाहैछै ओकर अरथ परमेस्‍वर जानैछै, कथिलेत पबितर आत्‍मा परमेस्‍वरके इक्‍छा अनुसार परमेस्‍वरके लोकसबके लेल परथना करैछै।

कलस्‍सी 3:1

तुसब खिरिस्‍टसङे जिबित भेलाके कारनसे स्‍वरगके बातसब खोजी कर, जते खिरिस्‍ट परमेस्‍वरके देहना कातमे बैठलछै।

हिबरु 1:3

परमेस्‍वरके महिमाके इजोत ओकरेमे चम्‍कैछै आ वह्‍या परमेस्‍वरके साँचो रुप चियै। ओकरे सक्‍तीसाली बचनसे अकास आ पिरथिबीमे भेल सब चिजके अराइनेछै। उ लोकसबके पाप सुध करलाके बाद स्‍वरगमे रहैबला महिमीत परमेस्‍वरके दहिनाकात बैठलछै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

हिबरु 9:24

खिरिस्‍ट त लोकसबके हाथसे बनल पबितर ठाममे नै ढुकलै, जे सत पबितर ठामके नमुना मातरे चियै, महज उ स्‍वरग भितर ढुकलै आ अखुन अपनासबके लेल परमेस्‍वरके अगा ठारभेल छै।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।