रोमी 8:3 - मध्‍य पुरविया थारू

³ बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

रोमी 8:3 ပူးပေါင်းရင်းမြစ်များ

मरकुस 15:27

उसब दुइटा डाकुके ओकरसङे एकटाके देहना कात आ दोसरके बमा कात कुरूसमे टाङल्‍कै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

परेरित 13:39

येसुमे बिस्‍बास करैबला जतहेक छै से सब पापसे छुटकारा पाबने छै, जे बात मोसोके लिखल धरम-नियमसे पुरा करे नै सक्‍ने रहै।

रोमी 3:20

बेबस्‍था पालन कैरके परमेस्‍वरके नजरमे कोइयो नै धरमी ठहरतै कथिलेत लोकसब पापी छै से बात त बेबस्‍थे बताइछै।

रोमी 6:6

हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

रोमी 7:18

हमर कहैले चाहैबला बात यि चियै कि हमरमे अरथात हमर पाप स्‍वभाबमे कोनो असल चिज बास नै करैछै, कथिलेत असल काम करैले हमर इक्‍छा हैतोपरभी यि करैले नै सकैचियै।

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

रोमी 9:3

यदि हमर आपने जातिके इजराएली लोकसब मुक्‍ती पाबैछै त, हम खिरिस्‍टके सराप सहैले आ ओकरसे अलगो हैले तयार चियै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

गलाती 3:21

तब कि बेबस्‍था परमेस्‍वरके परतिग्‍याके बिरोधमे छै त? कदापी नै। यदि बेबस्‍था पालन कैरके लोकसब अनन्‍त जिबन पाबैले सक्‍तियै त, बेबस्‍थे लोकसबके परमेस्‍वरके अगा धरमी ठहराइतियै।

फिलिप्‍पी 2:7

महज आपने इक्‍छासे यि सब छोरल्‍कै, कमाराके रुप धारन कैरके, मानबके रुपमे जलम लेल्‍कै।

हिबरु 10:12

महज खिरिस्‍ट सबदिनके लेल पुगैबला पापके लेल एकेटा बली स्‍वयम आपनेके चरहाइल्‍कै आ परमेस्‍वरके दहिनाकात बैठलछै।

हिबरु 10:14

कथिलेत एकेटा बलिदानसे पापसे पबितर करल लोकसबके उ सबदिनके लेल सिध करने छै।

हिबरु 2:14

कथिलेत उ बेटा-बेटीसब लहु आ मासुके देह भेलासे येसु सेहो ओकरेसब जखा भ्‍याके एलै। उ आपनेसे मिरतु भोइगके मिरतुके सक्‍ती भेल सैतानके नास करल्‍कै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

१ पतरुस 2:24

हमसब पापके लेल मैरके धारमिकताके लेल जियैले सकि कैहके खिरिस्‍ट अपनासबके पापसबके खातिर आपन देहमे पाप बोइकके कुरूसमे मरलै। ओकर चोटसबसे तुसब निक भेलचिही।