रोमी 7:21 - मध्‍य पुरविया थारू

²¹ हमर जिबनमे एकटा नियम काम करने छै कैहके थाह पाबलियै। जब हम भलाइके काम करैले चाहैचियै, तब दुस्‍ट इक्‍छा सेहो हमरसङे रहैछै।

रोमी 7:21 ပူးပေါင်းရင်းမြစ်များ

लुका 4:1

येसु पबितर आत्‍मासे भरपुर भ्‍याके यरदन लदीसे जब घुम्‍लै तब पबितर आत्‍मा येसुके उजार जगहमे ल्‍यागेलै।

युहन्‍ना 8:34

येसु ओइसबके जबाफ देल्‍कै, “हम साँचे तोरासबके कहैचियौ, जे पाप करैछै, उ पापके दास चियै।

रोमी 6:12

अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

रोमी 7:23

महज हमर देहमे कोनो दोसर नियम काम करैत थाह पाबैचियै। उ पापके नियम हमर आपन मनसे चाहना करल नियमके बिरोधमे उठैछै आ हमरा पापके दास बनाइछै।

रोमी 7:25

हम परमेस्‍वरके धन्‍यबाद दैचियै। येसु खिरिस्‍ट दुवारा परमेस्‍वर हमरा छुटकरा दैछै। तैल्‍याके आपन हिरदयमे परमेस्‍वरके बेबस्‍था पालन करैचियै महज हमरमे भेल पाप स्‍वभाब हमरा पापके नियमके अधिनमे राखैछै।

रोमी 8:2

कथिलेत परमेस्‍वरके आत्‍मा येसु खिरिस्‍टमे बिस्‍बास करैबलासबके अनन्‍त जिबन दैछै। अपनासबके पापके नियम आ मिरतुसे छुटकरा दैछै।

हिबरु 2:17

ओहैसे सब बातमे उ आपन भाइ-भैयासब जखा बनैले आबस्‍यक छेलै। ताकि उ परमेस्‍वरके सेबामे दयालु आ बिस्‍बासयोग्‍य परधान पुजारी बन्‍लै आ लोकसबके पाप छमा दैकेलेल उ आपने बली भेलै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

२ पतरुस 2:19

ओइसबके स्‍वतन्‍तर कराबैके परतिग्‍या करैछै महज उसब आपने भरस्‍टताके दास चियै, कथिलेकी लोक जे चिजके बसमे पैर जाइछै, उसब ओहै चिजके दास बैन जाइछै।