रोमी 7:18 - मध्‍य पुरविया थारू

¹⁸ हमर कहैले चाहैबला बात यि चियै कि हमरमे अरथात हमर पाप स्‍वभाबमे कोनो असल चिज बास नै करैछै, कथिलेत असल काम करैले हमर इक्‍छा हैतोपरभी यि करैले नै सकैचियै।

रोमी 7:18 ပူးပေါင်းရင်းမြစ်များ

मतीके लिखल सुसमाचार 15:19

कथिलेत हिरदयेसे खराब बिचार, हतिया, पर-इस्‍तरी गमन, अनैतिक देहके समबन्‍ध, चोरी, झुठा गबाही आ निन्‍दा करैबला बातसब बाहर निकलैछै।

लुका 11:13

तुसब खराब हैतोपरभी आपन धियापुतासबके असल चिजसब दैले आबैछौ त, औरो तोरासबसे बेसी स्‍वरगमे रहैबला पिता, ओकरसङे माङेबलाके पबितर आत्‍मा दैछै!”

युहन्‍ना 3:6

लोक त खाली देहमे जलम दैछै महज पबितर आत्‍मा आत्‍मिक जलम दैछै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

रोमी 7:15

हम कोन काम करैचियै, अपने उ नै बुझैचियै। कथिलेत हम जे असल काम करैले चाहैचियै, उ हम नै करैचियै, महज जे खराब काम करैले नै चाहैचियै, उ हम करैचियै।

रोमी 7:19

कथिलेत असल काम जे हम करैले चाहैचियै, उ हम नै करैचियै, महज दुस्‍ट काम, जे हम करैले नै चाहैचियै, वह्‍या हम करैत रहैचियै।

रोमी 7:25

हम परमेस्‍वरके धन्‍यबाद दैचियै। येसु खिरिस्‍ट दुवारा परमेस्‍वर हमरा छुटकरा दैछै। तैल्‍याके आपन हिरदयमे परमेस्‍वरके बेबस्‍था पालन करैचियै महज हमरमे भेल पाप स्‍वभाब हमरा पापके नियमके अधिनमे राखैछै।

रोमी 7:5

अपनासब एक समय देहके पाप स्‍वभावमे जिबन बिताइत रहियै। ओइ बखत पापी स्‍वभाव बेबस्‍थाके बिरोधमे अपनासबके बहुत पाप करैले लगेल्‍कै आ मिरतुके भागिदार बनेल्‍कै।

गलाती 5:17

कथिलेत पापी स्‍वभाबके ललसा पबितर आत्‍माके आ पबितर आत्‍माके ललसा पापी स्‍वभाबके बिरोध करैछै। यि दुनु एक दोसरके दुस्‍मन चियै आ तोरासबके करैले चाहल बात कहियो पुरा हैले नै देतौ।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

फिलिप्‍पी 3:12

हम लक्‍छमे पहिनेसे पुइग गेल चियै, या हम पहिनेसे सिध भेलचियै कैहके नै कहैचियौ, महज यिसब पकरैके लेल अगा बैढरहल चियै, जै बातके लेल खिरिस्‍ट हमरा चुनल्‍कै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

१ पतरुस 4:2

आबसे तुसब अइ पिरथिबीमे बाचै तलिक आपन जिबन लोकके जखा अधलाह इक्‍छामे नै, महज परमेस्‍वरके इक्‍छा अनुसारके जिबन बिता।