रोमी 6:9 - मध्‍य पुरविया थारू

⁹ अपनासब जानैचियै कि, खिरिस्‍ट मरलसे जिबित भेलछै आ उ फेनसे कहियो नै मरतै। ओकरमे मिरतुके कोनो सक्‍ती किछो करैले नै सक्‍तै।

रोमी 6:9 ပူးပေါင်းရင်းမြစ်များ

रोमी 5:14

तैयो आदमके समयसे लेके बेबस्‍था लिखैबला मोसाके समयतलिक मिरतु सब लोकसबमे राज करल्‍कै। लोकसब आदम जखा त पाप नै करल्‍कै तैयो उहोसब मरलै। आदमके करल पापके नतिजा सब लोकसब पाबल जखा खिरिस्‍टके करल कामके नतिजा सेहो सब लोक पाबतै। अनङ आदम त पछा आबैबला खिरिस्‍टके नमुना छेलै।

रोमी 6:10

पापके बन्‍धनसे छुटकरा करैके खातिर खिरिस्‍ट सबदिनके लेल एकेबेर मरलै। आब जे जिबन खिरिस्‍ट जियैछै, उ जिबन परमेस्‍वरके लेल जियैछै।

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

रोमी 6:4

ओहैसे अपनासब सेहो ओकरसङे बप्‍तिस्‍मा दुवारा मैरके गारलगेलियै। जहिनङ सक्‍तिसाली परमेस्‍वर पिता आपन महिमा दुवारा येसु खिरिस्‍टके मरलसे जिबित करल्‍कै। आब अपनोसब पुरन्‍का जिबन जियैले छोइरके लया जिबनमे खिरिस्‍टसङे जिएपरतौ।

हिबरु 7:16

येसु लोकसबके देल आग्‍या आ नियमके आधारमे पुजारी नै भेलछै, महज कहियो नास नै हैबला जिबनके सक्‍तीके आधारमे पुजारी भेलछै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

परकास 1:18

जिबित हैबला हम्‍ही चियै। हम मरल छेलियै महज आब सबदिनके लेल जिबित चियै, मिरतु आ पतालके कुजीसब हमर हाथमेछै।