रोमी 6:19 - मध्‍य पुरविया थारू

¹⁹ तोरासबके मानबिय स्‍वभाबके कमजोरीके कारनसे हम तोरासबके बुझैबला हिसाबसे मालिक आ दासके उदाहरन देके कहैचियौ। एक समयमे खराब इक्‍छासे बहुत घिनलागैबला पाप आ दुस्‍ट काम करैले तुसब आपन जिबनके दास जखा सोपने छेल्‍ही। आब पबितर हैले तोरासबके जिबन परमेस्‍वरके लेल असल काम करैबला दास जखा सोप।

रोमी 6:19 ပူးပေါင်းရင်းမြစ်များ

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

रोमी 3:5

महज कतहेक लोकसबके बिचारमे, हम यहुदीसबके करल पापसे परमेस्‍वर औरो बेसी धरमी देखाइछै त हम कथि करबै? कि लोकसबके दन्‍ड देनाइ परमेस्‍वरके गल्‍ती छेलै त?

रोमी 6:13

आपन देहके अंगसबके दुस्‍टताके साधनके रुपमे पाप करैले नै सोप, महज मिरतुसे जिबनमे आनल लोकसबके जखा अपनाके परमेस्‍वरमे सोप आ परमेस्‍वरके असल कामके लेल आपन देहके अङसबके सोप।

रोमी 7:23

महज हमर देहमे कोनो दोसर नियम काम करैत थाह पाबैचियै। उ पापके नियम हमर आपन मनसे चाहना करल नियमके बिरोधमे उठैछै आ हमरा पापके दास बनाइछै।

रोमी 8:26

ओहिनङे पबितर आत्‍मा अपनासबके बिस्‍बासमे कमजोर हैतकाल मदत करैछै। कनङ परथना करैछै कैहके सब्‍दमे बेक्‍त करैले नै सैकके कुहरैत बखत पबितर आत्‍मा अपनासबके लेल परथना कैरदैछै।

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

१ कोरन्‍थी 9:8

कि यि बात हम लोकके हिसाबसे कहैचियौ से? कि बेबस्‍था सेहो एहेन बात नै कहैछै से?

गलाती 3:15

हे हमर पिरिय भाइ-भैयासब, आब हम तोरासबके दिनदिनके जिबनसे एकटा उदाहरन द्‍यारहलचियौ। लोकसबके बिचमे कोनो करार एकबेर पक्‍का भेलाकेबाद कोइने एकरा रद कैरसकैछै आ नै त अइमे किछो थप-घट कैरसकैछै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।