रोमी 6:12 - मध्‍य पुरविया थारू

¹² अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

रोमी 6:12 ပူးပေါင်းရင်းမြစ်များ

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

रोमी 2:8

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 6:14

पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

२ कोरन्‍थी 4:11

अपनासबके यि मरैबला देहमे येसुके जिबन देखा परे कैहके हमसब जिबित रहितो ओकरलेल सबदिन मिरतुके मुहमे परैत रहैचियै।

२ कोरन्‍थी 5:4

हमसब यि देहमे रहैतक बोझसे दब्‍याके छटपटाबैचियै। अइ देहके मैरके त्‍यागबै कैहके नै छटपटाबैचियै बरु कहिया स्‍वरगिय देह बस्‍तर जखा लगाइबै कैहके चियै, ताकि नास हैबला देह कहियो नास नै हैबला देहमे बदैलजेतै।

गलाती 5:16

अहैले हम कहैचियौ, पबितर आत्‍माके अगुवाइसे चल आ लोक आपन पापी स्‍वभाबके ललसा पुरा नै कर।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

१ थेसलोनिकी 4:5

परमेस्‍वरके नै चिन्‍हैबला लोकसब जखा बेबिचारके ललसा नै कर।

२ तिमोथी 2:22

तैल्‍याके तु जबानीके अधलाह ललसासे दुर रह आ सुध हिरदयसे परभुके पुकारैबला सब सङे धारमिक्‍ता, बिस्‍बास, परेम आ सान्‍तीके पछा लाग।

तितस 2:12

यि अनुगरहसे अपनासबके परमेस्‍वरके आदर नै हैबला काम आ सन्‍सारके लोभ-लालच त्‍यागैले लगाइछै आ धिरजसे अपने आपके बसमे राखैले, निरदोस हैले आ परमेस्‍वरके आदर हैबला जिबन जियैले सिखाइछै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

१ पतरुस 1:14

तुसब आग्‍याकारी धिया-पुता जखा रह। अन्‍जानमे रहै बखत अधलाह इक्‍छा अनुसार जनङ करैछेल्‍ही तनङ नै कर।

१ पतरुस 2:11

हे पिरिय भाइसब, यि सन्‍सारमे तुसब बिदेसी आ परदेसी जखा चिही। हम तोरासबके बिन्‍ती करैचियौ, देहके अधलाह इक्‍छासब पुरा करै दिसन नै लाग। एहेन परकारके इक्‍छासब तोरासबके आत्‍माके बिरोधमे उठतौ।

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

यहुदा 1:18

उसब कहने रहै, “अन्‍तिम बखतमे मजाक करैबलासब एतौ। उसब परमेस्‍वरके बात नै माइनके आपने इक्‍छासबमे लागल रहतौ।”