रोमी 5:8 - मध्‍य पुरविया थारू

⁸ महज अपनासब पापी भेल बखत खिरिस्‍टके अपनासबके लेल बलिदान द्‍याके परमेस्‍वर अपनासबके लेल महान परेम देखेल्‍कै।

रोमी 5:8 ပူးပေါင်းရင်းမြစ်များ

युहन्‍ना 15:13

साथि-सङीके लेल आपन परान देनाइसे बरका परेम औरो किछो नै छै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

रोमी 3:5

महज कतहेक लोकसबके बिचारमे, हम यहुदीसबके करल पापसे परमेस्‍वर औरो बेसी धरमी देखाइछै त हम कथि करबै? कि लोकसबके दन्‍ड देनाइ परमेस्‍वरके गल्‍ती छेलै त?

रोमी 4:25

येसु अपनासबके पापके खातिर मारलगेलै आ अपनासबके धरमी ठहराइके लेल जिबित कर्‌याल गेलै।

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।

रोमी 5:6

हमसब अपनेसे मुक्‍तीके लेल कुछो करैले नै सकैबला भेलाके कारनसे खिरिस्‍ट अपनेसे ठिक समयमे हमरासबके लेल मरलै।

रोमी 5:7

धरमी लोकके लेल मरैले चाहैबला लोक पाबैले कठिनछै। असल लोकके लेल कोइ-कोइ मरैले साहस करियोसकैछै।

रोमी 8:32

परमेस्‍वर आपने निज बेटाके बचाके नै राखल्‍कै, महज ओकरा अपनेसबके लेल देल्‍कै त, कि उ अपनासबके जम्‍मे चिज ओकरसङे नै देतै से?

रोमी 8:39

नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

हिबरु 8:3

हरेक परधान पुजारीसब परमेस्‍वरके भेटी आ बलिदान चरहाबैके लेल नियुक्‍त भेल रहैछै। अहैलेल अपनासबके परधान पुजारीसङे कुछ न कुछ चिज चरहाइले परतै।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ युहन्‍ना 3:16

खिरिस्‍टके परेम हमसब जानैचियै कि उ अपनासबके खातिर आपन परान देल्‍कै। तैल्‍याके अपनोसबके आपन भाइके लेल आपन परान दैलेपरतै।