रोमी 5:19 - मध्‍य पुरविया थारू

¹⁹ एकटा लोक आदमके आग्‍यापालन नै करलाके चल्‍ते बहुतो लोक पापी भेलै, तहिनङे एकटा लोक खिरिस्‍टके आग्‍या पालनके चल्‍ते बहुतो गोरा परमेस्‍वरके अगा धरमी ठहरतै।

रोमी 5:19 ပူးပေါင်းရင်းမြစ်များ

रोमी 11:32

कथिलेत सबलोक दया पाबे कैहके परमेस्‍वर ओइसबके अटेरमे छोइरदेनेछै।

रोमी 5:12

सिरिस्‍टीके पहिन्‍का लोक आदम दुवारा सन्‍सारमे पाप एलै आ ओकरे पापसे मिरतु एलै। अहिनङ कैरके लोकसबमे मिरतु फैलगेलै कथिलेत सबकोइ पाप करने छेलै।

रोमी 5:15

परमेस्‍वरके फोक्‍टेके बरदान आदमके पाप जखा नै चियै। कथिलेत एकटा लोक आदमके पापके कारनसे बहुत लोक मरलै। महज एकटा लोक येसु खिरिस्‍टके बरदान दुवारा परमेस्‍वर बहुतो लोकके औरो बेसिसे अनुगरह देल्‍कै।

रोमी 5:18

अहिनङ कैरके हमसब देखैचियै कि, जनङ आदमके एकेटा पापसे सब लोकसब मिरतुदन्‍डके भागिदार भेलै, ओहिनङे खिरिस्‍टके एकेटा धारमिक कामसे परमेस्‍वरके सामने सबलोक धरमी ठहरतै आ जिबन पाबतै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

एफिसी 1:6

अपनासब परमेस्‍वरके ओकर महिमामय अनुगरहके लेल धन्‍याबाद चरहा जे मङनिएमे आपन पिरिय बेटामे देनेछै।

फिलिप्‍पी 2:8

उ मानबके रुप धारन कैरके आपनके नम्‌र बनाइल्‍कै आ मिरतु तक मातरे नै, कुरूसके मिरतु तक आग्‍याकारी भ्‍याके रहलै।